AMU Students Hunger Strike طلباء یونین کے انتخابات کے لئے اے ایم یو طلباء کی بھوک ہڑتال

علی گڑھ مسلم یونیورسٹی (اے ایم یو) طلباء نے باب سید پر بھوک ہڑتال شروع کردی ہے۔ طلباء کا کہنا ہے کہ جب تک وائس چانسلر طلباء یونین کے انتخابات کے لئے چیف الیکشن آفیسر کو منتخب نہیں کرتے ہیں، تب تک ہم بھوک ہڑتال ختم نہیں کریں گے۔ AMU Students Hunger Strike

علی گڑھ مسلم یونیورسٹی (اے ایم یو) طلباء نے باب سید پر بھوک ہڑتال شروع کردی ہے۔ طلباء کا کہنا ہے کہ جب تک وائس چانسلر طلباء یونین کے انتخابات کے لئے چیف الیکشن آفیسر کو منتخب نہیں کرتے ہیں، ہم بھوک ہڑتال ختم نہیں کریں گے۔ AMU Students Hunger Strike

دراصل گزشتہ روز علی گڑھ مسلم یونیورسٹی طلباء نے احتجاج مارچ نکال کر یونیورسٹی پراکٹر کو وائس چانسلر کے نام ایک میمورنڈم دیا تھا، جس میں طلباء کا مطالبہ تھا کہ 24 گھنٹوں میں طلباء یونین کے انتخابات کے لئے چیف الیکشن آفیسر کا انتخاب کیا جائے ورنہ ہم طلباء بھوک ہڑتال کرکے جشن یوم سر سید منائیں گے۔ جس کے بعد آج یعنی 24 کھنٹے بعد یونیورسٹی انتظامیہ کی ناک کے سامنے طلباء نے دوبارہ احتجاجی مارچ نکال کر باب سید پر دھرنے پر بیٹھ گئے اور بھوک ہڑتال شروع کردی۔

طلباء کا کہنا ہے کل ہم نے احتجاجی مارچ نکال کر وائس چانسلر کے نام میمورنڈم دیا تھا اور 24 گھنٹوں کے بعد دھرنا دے کر بھوک ہڑتال کی بات کہی تھی لیکن یونیورسٹی انتظامیہ نے ہمارے مطالبہ کو پھر نظر انداز کر دیا اور چیف الیکشن آفیسر کو منتخب نہیں کیا۔ طلباء کا کہنا ہے وائس چانسلر تاناشاہی چلا رہے ہیں، اسی لئے انتخابات نہیں کروانا چاہتے ہیں۔ ایک سوال کے جواب میں طلباء نے بتایا کہ جشن یوم سر سید ہم نہیں منائیں گے اور خصوصی ڈنر کو بھی نہیں کھائیں گے، ہم اپنی بھوک ہڑتال تب تک جاری رکھیں گے جب تک وائس چانسلر طلباء یونین کے انتخابات کے لئے چیف الیکشن آفیسر کا انتخاب نہیں کرائیں گے۔

احتجاج میں شامل طلباء کا کہنا ہے کہ یونیورسٹی میں تاناشاہی چل رہی ہے، امتحانات اور داخلے میں گڑبڑی بھی ہورہی ہے، طلباء کو خاصی پریشانیوں کا سامنا کرنا پڑ رہا ہے، انتظامیہ بلاک میں طلباء کی پریشانیوں کو سنا نہیں جاتا ہے۔ اسی لئے ہمیں طلباء یونین چاہیے جو ہمارا جمہوری حق ہے۔ اے ایم یو طلباء بھوک ہڑتال کرکے جشن یوم سر سید منائیں گے، اے ایم یو طلباء بھوک ہڑتال کرکے جشن یوم سر سید منائیں گے۔

طلباء کا کہنا ہے کہ موجود وائس چانسلر کسی بھی طرح کا کوئی انتخابات نہیں چاہتے ہیں اور اپنی مرضی سے یونیورسٹی چلانا چاہتے ہیں۔ یہی وجہ ہے کی انہوں نے اے ایم یو ٹیچرس ایسوسی کے انتخابات کو ووٹنگ سے ایک روز قبل ملتوی کردیا اور طلباء یونین کے انتخابات کا بھی اعلان نہیں کر رہے۔ طلباء کی بھوک ہڑتال سے متعلق موقع پر موجود پراکٹر نے فی الحال کوئی بیان نہیں دیا ہے۔