ملک کے 75 ویں یوم آزادی کے موقع پر آزادی کا امرت مہوتسو کی کڑی میں 'اُنت بھارت ابھیان' کے تحت منعقد کیے گئے کووڈ آگہی ویڈیو مقابلے میں آئی آئی ٹی دہلی اور علاقائی کوآرڈینیٹنگ اداروں کے ماہرین بطور جج شامل تھے، جس میں اے ایم یو، سوشل ورک شعبہ کے پانچ رکنی طلبہ کی ٹیم کو اتر پردیش کی مقامی زبانوں/بولیوں میں علاقائی سطح کے ویڈیو مقابلے میں اول انعام کے لئے منتخب کیا گیا ہے۔
ویڈیو تیار کرنے والے اے ایم یو طلبہ نے کہا یہ ویڈیو بیداری پیدا کرنے کی ہماری کوششوں کا ایک حصہ ہے۔ اس میں کووڈ ٹیکہ کاری، ہاتھوں کی صفائی، فیس ماسک کے استعمال، ہجوم والی جگہوں سے بچنے اور فاصلہ برقرار رکھنے کی اہمیت پر زور دیا گیا ہے۔ اس کے علاوہ بیمار ہونے کی صورت میں گھر پر رہنے اور معتبر ذرائع سے معلومات کے حصول کی تاکید کی گئی ہے۔
یہ بھی پڑھیں:
طلبہ نے مزید کہا کہ کورونا وبا سے بچاؤ کے لیے کووڈ ویکسینیشن بہت ضروری ہے، جس کو لے کر آج بھی خاص کر گاؤں دیہاتوں میں غلط فہمی ہے، وہ آج بھی ٹیکے لگوانے سے ڈر رہے ہیں۔ اس ویڈیو کے ذریعے ہم یہ پیغام دینا چاہتے ہیں کہ کووڈ وبا سے بچنے کے لئے کووڈ ٹیکہ کاری بہت ضروری ہے۔
اے ایم یو طلبہ کی ٹیم نے کووڈ آگاہی ویڈیو کے لئے اول انعام حاصل کیا
طلبہ کو مبارکباد دیتے ہوئے پروفیسر نسیم احمد خان (چیئرمین، سوشل ورک شعبہ اور نوڈل افسر 'اُنت بھارت ابھیان اے ایم یو) نے کہا کہ اے ایم یو برادری کو ان طلبہ پر فخر ہے، جو عوامی سطح پر بیداری کیلئے آگہی مواد تیار کر رہے ہیں۔ میں ان کے مستقبل کی کامیابی کے لئے دعا گو ہوں۔
کووڈ آگہی ویڈیو کو تیار کرنے والی اے ایم یو طلبہ کی پانچ رکنی ٹیم میں شعبہ سوشل ورک سے ایم ایس ڈبلیو کی تعلیم حاصل کرنے والے نجدہ ذہرہ، کپل شرما، علمہ پروین، تنوی گوتم، انوشکا شرما شامل تھے۔
اے ایم یو طلبہ کی ٹیم نے کووڈ آگاہی ویڈیو کے لئے اول انعام حاصل کیا
