اے ایم یو: تحقیقی مقالہ ڈبلیو ایچ او کے ڈیٹابیس میں شامل

علی گڑھ مسلم یونیورسٹی کی پروفیسر شیبا حامد اور ان کے دو ریسرچ اسکالرز کا ایک مشترکہ تحقیقی مقالہ کووڈ وبا سے متعلق ڈبلیو ایچ او کے ڈیٹا بیس میں شامل، معروف عالمی جریدہ انٹرنیشنل جرنل آف ٹورزم سٹیز، ایمرالڈ پبلیشنگ، برطانیہ میں شائع ہوا ہے۔

کووڈ وبا سے متعلق علی گڑھ مسلم یونیورسٹی، شعبہ کامرس (ٹورزم) کی پروفیسر شیبا حامد اور ان کے ریسرچ اسکالرز سجود (سینئر ریسرچ فیلو- ٹورزم) اور نسیم بانو ( ریسرچ اسکالر- ٹورزم) کا ایک مشترکہ تحقیقی مقالہ بعنوان ''Behavior Intention of Traveling in the period of Covid-19 : An Application of the theory of planned behavior and perceived risk" معروف عالمی جریدہ انٹرنیشنل جرنل آف ٹورزم سٹیز، ایمر الڈ پبلشنگ، برطانیہ میں شائع ہوا ہے۔

عالمی صحت تنظیم (ڈبلیو ایچ او) سے تسلیم شدہ مقالہ کو کورونا وائرس وبا پر عالمی ادب کے تحت درج کیا گیا ہے۔ یہ ڈیٹا بیس کووڈ-19 پر موجودہ عالمی ادب کا ایک جامع کثیر لسانی ذخیرہ ہے۔

ڈبلیو ایچ او کووڈ-19 پر تازہ ترین بین الاقوامی سائنسی تحقیقات و معلومات کو اکٹھا کر رہا ہے۔

پروفیسر شیبا حامد نے کہا کہ اس تحقیق میں پلانڑ بیہیو یئر کی تھیوری کا استعمال کرکے کورونا وائرس کے دور میں بھارتی مسافروں کے رجحان و طرز عمل کی جانچ کی گئی ہے۔ یہ تحقیق سیاحوں، سیاحت و میزبانی انڈسٹری، حکومت، ہوابازی صنعت اور دیگر متعلقہ اداروں کے لئے مفید ہو سکتی ہے۔

کورونا وبا نے ایک طرح سے انسانی زندگی کو پوری طرح متاثر کر دیا تھا۔ جہاں اب کورونا وبا کی دوسری لہر کے بعد زندگی پٹری پر لوٹتی نظر آرہی ہیں۔ وہی اب بھی کچھ ایسے شعبہ ہیں جو ابھی کرونا کے ڈر سے بند ہیں۔

کورونا وبا سے سب سے زیادہ متاثر ہونے والی ٹورزم انڈسٹری ہے جو ابھی تک ابھر نہیں پائی۔ ملک کے مختلف سیاحتی مقامات پر ٹوریسٹ جا تو رہے ہیں لیکن اب بھی ان کے ذہن میں کہیں نہ کہیں کورونا کا ڈر ہے جس کی وجہ سے ٹورزم انڈسٹری ابھی تک مکمل طور سے کوروانا کے ڈر سے باہر نہیں نکل پائیں۔

وہی گروپ ٹورزم ابھی تک ملک میں شروع نہیں ہوا، جس کی وجہ سے ٹریول ایجنٹ اور ٹورزم کمپنیاں جو اسکول، کالج اور کارپوریٹس کے ٹور آرگنائز کرتی تھی وہ ابھی تک بند ہیں۔ڈبلیو ایچ او کی ویب سائٹ کا لنک :https://search.bvsalud.org/global-literature-on-novel-coronavirus-2019-ncov/resource/en/covidwho-1393590آرٹیکل کا لنک :https://www.emerald.com/insight/content/doi/10.1108/IJTC-09-2020-0183/full/html.