آزادی کے 75 سال مکمل ہونے پر مظفر نگر میں منایا گیا 'امرت مہوتسو'

ہندوستان کی آزادی کے 75 سال مکمل ہونے پر وزیر اعظم کی رہنمائی میں جہاں امرت مہوتسو پورے ملک میں منایا جا رہا ہے۔ آج مظفر نگر میں بھی اس موقع پر کامرس ویک کے تحت انڈسٹریل ایریا میں یک روزہ ایکسپورٹ کنکلیو نمائش کا اہتمام کیا گیا۔

ایکسپورٹ کے ذریعہ اپنی منسواتی نمائش کے بعد مہمانوں نے پروگرام کا افتتاح کیا۔ مرکزی وزیر سنجیو بالیان اور وزیر مملکت کپل دیو اگروال اس پروگرام میں مہمان خصوصی کی حیثیت سے شریک ہوئے۔ ضلع انتظامیہ کے ساتھ ساتھ اس پروگرام میں دیگر اضلاع کے چھوٹے بڑے تاجروں نے پروگرام میں حصہ لیا۔ ضلع مجسٹریٹ مظفرنگر چندر بھوشن سنگھ، رجنیش کمار، صدر فیڈریشن آف کامرس کے ساتھ ساتھ معززین لوگوں نے چراغ روشن کر پروگرام کا افتتاح کیا۔

ڈی جی ایف ٹی نیو دہلی سے آئے محمد تسلیم نے ایکسپورٹ کس طرح سے شروع کیا جائے اور حکومت کے کیا کیا منصوبے ہیں، ان کے بارے میں تفصیل کے ساتھ بتایا۔ وہیں اے آئی آئی کے ضلع صدر وپُل بھٹناگر نے کہا کہ مظفر نگر سے برآمدات بڑھ رہی ہے۔ یہاں کاروباری ہر میدان میں آگے ہیں لیکن منصوبے ہم تک نہیں پہنچتے ہیں۔

آزادی کے 75 سال مکمل ہونے پر مظفر نگر میں منایا گیا 'امرت مہوتسو'

آج یہ اقدام بہت معنی خیز ہے اور ایکسپورٹرز کو درپیش مسائل سے بھی آگاہ کیا گیا۔ وہیں وزیر مملکت کپل دیو اگروال نے کہا کہ کالج کے طلبہ کے ساتھ بھی اس طرح کے سیمینار منعقد ہونے چاہیے تاکہ ہم مستقبل کے کاروباریوں کو تیار کر سکیں۔ مرکزی وزیر ڈاکٹر سنجیو بالیان نے کہا کہ مظفر نگر سے تقریبا ساڑھے چار سو کروڑ روپے کی سالانا برآمد ہوتی ہے۔ اب ہمیں اس طرف زیادہ توجہ دینے کی ضرورت ہے۔

آزادی کے 75 سال مکمل ہونے پر مظفر نگر میں منایا گیا 'امرت مہوتسو'