Pro-Pakistan Slogan in Clubhouse آن لائن میٹنگ میں مبینہ طور پر ملک مخالف نعرے لگے

بنگلورو پولیس نے سوشل میڈیا ایپ 'کلب ہاؤس' پر ایک گروپ میٹنگ کے اسکرین شاٹس کے ساتھ مبینہ 'پاکستان زندہ باد اور بھارت مرد باد' کی ٹیگ لائن شیئر کیے جانے کے بعد مقدمہ درج کیا ہے۔ میٹنگ میں لوگوں سے اپیل کی گئی کہ وہ مبینہ طور پر پاکستانی پرچم کو اپنے ڈی پی کے طور پر استعمال کریں۔

بنگلورو: ریاست کرناٹک کے دارالحکومت بنگلورو میں ایک سوشل میڈیا ایپ 'کلب ہاؤس' پر ایک گروپ میں مبینہ طور پر پاکستان کا قومی پرچم لہرا کر بھارت کی توہین کرنے کے سنگین الزام میں سمپی گیہلی پولیس اسٹیشن میں ایک مقدمہ درج کیا گیا ہے۔ یہ واقعہ 14 اگست کو پیش آیا۔ شرپسندوں نے میٹنگ میں موجود ارکان کو مبینہ طور پر اپنی ڈی پی پر پاکستان کا جھنڈا لگانے کی ترغیب دی۔ اس حوالے سے اس میٹنگ کا ویڈیو سوشل میڈیا پر وائرل ہوگیا۔ سوشل میڈیا ایپ 'کلب ہاؤس' پر ایک گروپ میٹنگ میں مبینہ 'پاکستان زندہ باد اور بھارت مردہ باد' کی ٹیگ لائن کے ساتھ شیئر کی گئی ہے۔ میٹنگ میں لوگوں سے اپیل کی گئی کہ وہ مبینہ طور پر پاکستانی پرچم کو اپنے ڈی پی کے طور پر استعمال کریں۔

اس معاملہ پر تبصرہ کرتے ہوئے سٹی پولیس کمشنر پرتاپ ریڈی نے کہا کہ "ہم نے اس حقیقت کو دیکھا ہے کہ مبینہ طور پر ڈی پی میں پاکستان نواز قومی پرچم لگایا گیا ہے اور اس سلسلے میں تحقیقات جاری ہیں۔ ابھی تک کسی کو گرفتار نہیں کیا گیا ہے۔ پولیس کے مطابق اس میٹنگ میں ارکان نے اپنے اصلی نام کے بجائے عرفی نام کا استعمال کیا ہے۔ اس کے بارے میں تمام معلومات جمع کی گئی ہیں۔ سمپی گیہلی پولیس اسٹیشن میں ایف آئی آر بھی درج کی گئی ہے۔ ہمیں کچھ جانکاری ملی ہے اور اس کی تحقیقات جاری ہے۔"