مشاعرہ کے افتتاحی تقریب سے خطاب کرتے ہوئے سابق رکن پارلیمان سرفراز عالم نے کہا کہ اُردو زبان ایک میٹھی زبان ہے، اس کی چاشنی اور اس کی تہذیب عالمی دنیا میں سر چڑھ کر بولتی ہے، بغیر اردو کے آپ کسی سے اچھی گفتگو نہیں کر سکتے ہیں۔
ارریہ میں آل انڈیا مشاعرہ کا اہتمام سابق رکن پارلیمان نے مزید کہا کہ تاہم اس وقت اردو زبان کو ختم کرنے کی کوشش ہو رہی ہے تو پھر ہماری ذمہ داری بڑھ جاتی ہیں کہ ہم مختلف زاویے سے اس کی حفاظت کے لئے آگے بڑھے اور اردو مخالف حکومت کو بتا دیں کہ ہم اس کی حفاظت کے لئے تیار ہیں، یہ زبان کو مسلمان کی زبان نہیں ہے بلکہ یہ ہر ہندوستانیوں کی زبان ہے، آج خوشی ہے کہ اس کی حفاظت کے لئے بڑی تعداد میں خواتین بھی گھروں سے باہر نکل رہی ہیں.
ارریہ میں آل انڈیا مشاعرہ کا اہتمام سرفراز عالم نے کہا کہ انہوں نے کہا کہ اس پنڈال میں جتنے لوگ بھی موجود ہیں وہ سب اردو زبان کے عاشق ہیں، اس میں مسلم کے علاوہ ہندو بھائی بھی کافی تعداد میں ہیں۔
ارریہ میں آل انڈیا مشاعرہ کا اہتمام خیال رہے کہ مشاعرہ کا انعقاد ضلع ارریہ سے سات کلو میٹر دور رجوکھر کے رپولی گاؤں میں ہوا۔
مشاعرہ میں سیمانچل کے علاوہ باہر سے شرکت کرنے والے شعراء حضرات میں موہن منتظر ہماچل پردیش، گل صبا فتح پوری، پرویز کوثر معروفی اتر پردیش، سلطان جہاں اتر پردیش وغیرہ شامل ہیں۔
شعراء نے دیر شب تک اپنے کلام سے سامعین کو محظوظ کیا. مشاعرے کی نظامت معروف شاعر ہارون رشید غافل نے بحسن و خوبی انجام دے.
اس موقع پر شاعرہ گل صبا نے کہا کہ بہار میں اردو زبان کے قدردان بہت ہیں، میں بارہا یوپی سے بہار آتی رہی ہوں، یہاں مشاعرہ سننے والوں کی ایک بڑی تعداد ہے جس سے اندازہ ہوتا ہے کہ اردو زبان یہاں کے لوگوں کے دلوں پر راج کرتی ہے، اور جب تک ایسے لوگ موجود ہیں تب تک اردو زبان قائم و دائم ہے.
