Alanganallur Jallikattu النگنالور میں منعقدہ جلی کٹو مقابلے میں ابی سدر نے پہلی پوزیشن حاصلی کی

ضلع مدورائی میں منعقدہ جلی کٹو کھیل میں نوجوان بڑھ چڑھ کر حصہ لے رہے ہیں۔ وہیں النگنالور میں منعقدہ جلی کٹو مقابلے میں ابی سدر نے پہلی پوزیشن حاصلی کی ہے۔ انہوں نے اس مقابلے میں 26 بیلوں کو پکڑا ہے۔ وزیراعلیٰ کی جانب سے انہیں انعامات سے نوازا گیا۔ Abi siddar won the car as the first prize

مدورائی: ریاست تملناڈو کے ضلع مدورائی کے النگنالور میں منعقدہ جلی کٹو مقابلے میں سیوا گنگائی ضلع کے ابی سدر نے 26 بیلوں کو پکڑا اور تمل ناڈو کے وزیر اعلی ایم کے اسٹالن کی طرف سے پیش کردہ ایک لگژری کار کو پہلے انعام کے طور پر حاصل کیا۔ تمل ناڈو کے نوجوانوں کی فلاح و بہبود اور کھیل کے وزیر ادھیانیدھی اسٹالن نے آج مدورائی ضلع کے النگنالور میں پونگل کے موقع پر منعقدہ جلی کٹو مقابلوں کو جھنڈی دکھا کر روانہ کیا۔ مدورائی کے ضلع کلکٹر انیش شیکھر، وزراء مورتی، پی ٹی آر پالانیول تھیاگراجن، انبل مہیش پویاموزی، رکین اسمبلی وینکٹیشن، تھلاپتی اور اداکار سوری موجود تھے۔ کھیل صبح 8 بجے شروع ہوا اور مجموعی طور پر 10 راؤنڈز منعقد ہوئے۔ جس میں 303 کھلاڑی اور 825 بیل میدان میں آکر کھیلے۔ مجموعی طور پر 53 افراد زخمی ہوئے۔ ان میں سے 10 کو مزید علاج کے لیے مدورائی کے سرکاری راجا جی اسپتال میں داخل کیا گیا ہے۔

مقابلے میں حصہ لینے والوں کو سونے کی انگوٹھیاں دی گئیں اور سائیکل، واشنگ مشین، گرائنڈر اور برتن جیسی اشیاء تحفے کے طور پر دی گئیں۔ سیوا گنگائی ضلع پوونتھی سے تعلق رکھنے والے ابی سدر جنہوں نے آج منعقدہ مقابلوں میں 26 بیل پکڑے، نے تمل ناڈو کے وزیر اعلی ایم کے اسٹالن کی طرف سے پیش کردہ لگژری کار (7 لاکھ روپے) کا پہلا انعام جیتا۔ اس کے علاوہ مختلف تمل انجمنوں نے مشترکہ طور پر پہلی پوزیشن حاصل کرنے والے کو ایک گائے اور ایک بچھڑا تحفہ کے طور پر دیا۔ مدورائی ضلع سے تعلق رکھنے والے اجے جس نے 20 بیل پکڑ کر دوسری پوزیشن حاصل کی، کو موٹر سائیکل سے نوازا گیا۔ النگنالور کے رنجیت نے 12 بیل پکڑے اور تیسرا مقام حاصل کیا۔

پڈوکوٹائی کائیکوریچی سے تعلق رکھنے والے تمل سیلوان کے بیل، جس نے میدان میں بہت اچھا کھیلا، کو تمل ناڈو کے یوتھ اینڈ اسپورٹس منسٹر اڈیانیتھی اسٹالن کی جانب سے لگژری کار پیش کی گئی۔ ایک گائے اور ایک بچھڑا بھی بطور تحفہ دیا گیا۔ دوسرا مقام حاصل کرنے والے پڈوکوٹائی کے سریش کو ایک بائیک سے نوازا گیا اور مدورائی ضلع کے اوسلم پٹی کے رہنے والے پٹنی راجہ کو بطور انعام ایک موٹرسائیکل (TVS Excel) دی گئی۔ واضح رہے کہ پونگل تہوار کے دوران خاص طور پر تمل ناڈو میں مویشیوں کی پوجا کی جاتی ہے، جس میں جلی کٹو کے نام سے ایک تقریب منعقد کی جاتی ہے۔ جلی کٹو کھیل میں ایک بیل کو بھیڑ کے درمیان چھوڑ دیا جاتا ہے اس کھیل میں وہاں موجود کھلاڑی بیل کو پکڑ کر قابو کرنے کی کوشش کرتے ہیں۔ قبل ازیں ضلع انتظامیہ نے کووڈ 19 کے پھیلاؤ کو روکنے کے لیے رہنما خطوط جاری کیے تھے۔ گائیڈ لائن کے مطابق بیلوں کو کنٹرول کرنے والوں کو دو ڈوز کے کورونا ویکسینیشن سرٹیفکیٹ کے ساتھ اپنی تصویر ضلع کی آفیشل ویب سائٹ پر اپ لوڈ کرنی ہوگی۔ کووڈ منفی سرٹیفکیٹ جلی کٹو تقریب سے دو دن پہلے پیش کرنا ہوگا۔ اس کے ساتھ جلی کٹو میں بیل لانے والوں سے کہا گیا ہے کہ وہ سرکاری ویب سائٹ پر رجسٹری کریں۔ بیل کے ساتھ مالک اور اس کے معاون سمیت دو افراد جا سکتے ہیں۔ انہیں ڈبل ڈوز سرٹیفکیٹ اور کوویڈ منفی سرٹیفکیٹ لانے کو بھی کہا گیا ہے۔