AIMIM Released the 10th List: ایم آئی ایم نے امیدواروں کی دسویں فہرست جاری کی

یوپی اسمبلی انتخابات 2022 کے لیے کل ہند مجلس اتحاد المسلمین کی جانب سے مزید چھ امیدواروں پر مشتمل دسویں فہرست جاری کردی گئی ہے۔ اس فہرست میں اے آئی ایم آئی ایم نے مزید 6 امیدوار کھڑے کیے ہیں۔ پارٹی نے اب تک 70 امیدواروں کا انتخاب کیا ہے اور انہیں یوپی اسمبلی انتخابات میں اتارا ہے۔ AIMIM Releases 10th List of Candidates

کل ہند مجلس اتحاد المسلمین نے یوپی انتخابات کے لیے مزید نو امیدواروں کو ٹکٹ دیا ہے۔ سنیچر کو جاری کی گئی دسویں فہرست میں آل انڈیا مجلس اتحاد المسلمین نے بلیا کی پھپنا اسمبلی سیٹ سے محمد شمیم ​​عرف بھولا نیتا جی اور اعظم گڑھ کی مہ نگر اسمبلی سیٹ سے کرم ویر آزاد کو امیدوار قرار دیا گیا ہے۔ مجلس نے سلطان پور ضلع کی سلطان پور اسمبلی سیٹ سے مرزا اکرم بیگ اور بھدوہی ضلع کی اورائی اسمبلی کے لیے ترہائی رام کو ٹکٹ دیا ہے۔ آل انڈیا مجلس اتحاد المسلمین نے یوپی اسمبلی انتخابات کے لیے اب تک 70 امیدواروں کھڑے کیے ہیں۔ AIMIM Released the 10th List

سات مرحلوں میں ہونے والے اتردیش اسمبلی انتخابات 2022 میں بہت کم وقت باقی ہے۔ سیاسی جماعتوں نے اب تک کئی مرحلوں کے امیدواروں کو میدان میں اتار دیا ہے۔ وہیں آل انڈیا مجلس اتحاد المسلمین نے بھی یوپی میں اب تک 70 امیدواروں کے ناموں کا اعلان کردیا ہے۔ سنیچر کو جاری ہونے والی فہرست میں مزید چھ امیدواروں کے ناموں کا اعلان کیا گیا۔

حیدرآباد کے رکن پارلیمان اسد الدین اویسی نے اترپردیش میں دو دیگر پارٹیوں کے ساتھ مل کر بھاگداری پریورتن مورچہ (Bhagidari Parivartan Morcha) تشکیل دیا ہے۔ اس مورچہ کے تحت مجلس نے سنیچر کو مزید چھ امیدواروں کو میدان میں اتارا ہے۔

اے آئی ایم آئی ایم نے تبھاگداری پریورتن مورچہ کے تحت بابو سنگھ کشواہا کی جن ادھیکر پارٹی اور وامن میشرام کی بی اے ایم سی ای ایف کے ساتھ اتحاد کے تحت میدان میں اترنے کا فیصلہ کیا ہے۔ تبھاگداری پریورتن مورچہ تمام 403 سیٹوں پر الیکشن لڑے گا۔