نئی دہلی: اے آئی ایم آئی ایم کے صدر اسد الدین اویسی نے منگل کو بہار اور مغربی بنگال دونوں حکومتوں کو ریاستوں میں تشدد کے بار بار ہونے والے واقعات کے لئے ذمہ دار ٹھہرایا۔ آتشزنی کو روکنے میں ریاستوں کی مسلسل ناکامی پر تنقید کرتے ہوئے اویسی نے کہا کہ جب بھی کسی ریاست میں تشدد ہوتا ہے تو اس کی ذمہ داری ریاستی حکومت پر عائد ہوتی ہے۔
اے این آئی کے مطابق انہوں نے کہا کہ جب بھی کسی ریاست میں تشدد ہوتا ہے تو اس کی ذمہ داری ریاستی حکومت پر عائد ہوتی ہے۔ اویسی نے کہا، 'بہار شریف میں مدرسہ عزیزیہ کو آگ لگائی گئی، مسلمانوں کی دکانوں کو نشانہ بنایا گیا- اس کے پیچھے سازش ہے۔ بہار کے وزیر اعلی نتیش کمار کو معلوم تھا کہ نالندہ ایک حساس ضلع ہے، پھر بھی وہاں بدامنی تھی۔
نتیش کمار اور تیجسوی یادو پر ریاست کے مسلمانوں میں 'خوف' پیدا کرنے کا الزام لگاتے ہوئے انہوں نے کہا، 'انہیں کوئی افسوس نہیں ہے، انہوں نے کل ایک افطار میں بھی شرکت کی تھی۔ وزیر اعلی نتیش اور تیجسوی ریاست کے مسلمانوں میں خوف پیدا کرنا چاہتے ہیں۔ اے آئی ایم آئی ایم کے رکن پارلیمان نے کہا کہ کچھ بھی ہو، ریاستی حکومت ہمیشہ اس کی ذمہ دار ہوتی ہے۔ انہوں نے کہا، 'یہ ریاستی حکومتوں کی ناکامی ہے، چاہے وہ مغربی بنگال کی حکومت ہو یا بہار کی حکومت، یا کرناٹک میں ادریس پاشا کی ہجومی تشدد کا واقعہ ہو۔ حکومت کیا کر رہی تھی؟'
تشدد کی مذمت کرتے ہوئے اور بہار کے وزیر اعلی نتیش کمار کی قیادت پر سوال اٹھاتے ہوئے اسد الدین اویسی نے کہا، 'ایک شخص جو برسوں سے وزیر اعلیٰ ہے اس واقعہ کو روک نہیں سکتا۔ میں نتیش کمار اور آر جے ڈی حکومت کے رویے کی مذمت کرتا ہوں کہ وہ اس مدرسہ کو جلانے اور مسجد پر حملے کو روکنے میں مکمل طور پر ناکام رہے ہیں۔ اس کے علاوہ بہار میں مسلمانوں کی املاک کو نشانہ بنایا گیا اور جلایا گیا۔'
یہ بھی پڑھیں: Bihar Violence اے آئی ایم آئی ایم نے بہار میں ہوئے حالیہ فرقہ وارانہ تشدد پر حکومت کو تنقید کا نشانہ بنایا
