اداکارہ کنگنا رناوت کے ممبئی میں واقع دفتر میں بی ایم سی کی انہدامی کارروائی کے معاملے میں بامبے ہائی کورٹ نے ایک اہم فیصلہ سنایا ہے، عدالت نے حکم دیا ہے کہ نقصان کی تحقیقات ایک آزاد ایجنسی کے ذریعہ کی جائے تاکہ معاوضے کی رقم کا تعین کیا جاسکے۔ عدالت نے بی ایم سی کے غیرقانونی تعمیرات کے نوٹس کو بھی منسوخ کر دیا ہے۔
اداکارہ کنگنا رناوت کے ممبئی دفتر میں بی ایم سی انہدامی کارروائی کے معاملے میں بامبے ہائی کورٹ نے ایک اہم فیصلہ سنایا ہے، بامبے ہائی کورٹ نے بی ایم سی کی اس معاملے میں سخت سرزنش کی ہے۔ بامبے ہائی کورٹ نے کہا ہے کہ بی ایم سی نے حقوق کی پامالی کی ہے۔
اس کے ساتھ ہی عدالت نے حکم دیا ہے کہ نقصان کی تحقیقات ایک آزاد ایجنسی کے ذریعہ کی جائے تاکہ معاوضے کی رقم کا تعین کیا جا سکے، عدالت نے بی ایم سی کی غیرقانونی تعمیرات کے نوٹس کو بھی منسوخ کردیا ہے۔
واضح ہو کہ نو ستمبر کو بی ایم سی نے اداکارہ کنگنا رناوت کے دفتر کے کچھ حصے کو غیر قانونی قرار دے کر توڑ پھوڑ کی تھی، بعدازاں عدالت نے بی ایم سی کی کارروائی پر روک لگا دی تھی۔
کنگنا نے ممبئی کے دفتر میں بی ایم سی کے ذریعہ مسمار کرنے کے خلاف بامبے ہائی کورٹ میں درخواست دائر کی تھی، پانچ اکتوبر کو ہائی کورٹ نے تمام فریقین کے دلائل سننے کے بعد اپنا فیصلہ محفوظ کر لیا تھا۔
