Abu Asim Azmi Slams RSS and BJP ابوعاصم اعظمی کی آر ایس ایس اور بی جے پی پر شدید تنقید

پاپولر فرنٹ آف انڈیا پر پابندی کے بعد مہاراشٹر سماجوادی پارٹی لیڈر اور رکن اسمبلی ابوعاصم اعظمی نے آر ایس ایس اور بی جے پی کو ہدف تنقید بناتے ہوئے کہا کہ ملک کا قانون سب کے لئے برابر ہے۔ Abu Asim Azmi Slams RSS and BJP

ممبئی:مرکزی حکومت نے پاپولر فرنٹ آف انڈیا (پی ایف آئی) اور اس کی ذیلی تنظیموں یا طلبہ ونگ پر پانچ سال کی مدت کے لیے فوری طور پر پابندی عائد کر دی ہے۔ پاپولر فرنٹ آف انڈیا پر پابندی کے بعد مہاراشٹر سماجوادی پارٹی لیڈر اور رکن اسمبلی ابوعاصم اعظمی نے آر ایس ایس اور بی جے پی کو ہدف تنقید بناتے ہوئے کہاکہ ملک کا قانون سب کے لئے برابر ہے۔ اس میں امیر اور غریب کے درمیان امتیاز کی کوئی جگہ نہیں ہے۔Abu Asim Azmi Slams RSS and BJP

انہوں نے کہا کہ اگر کوئی تنظیم دہشت گردانہ سرگرمیوں یا ملک مخالف عمل میں ملوث ہے تو اس پرپابندی عائد ہونی چاہئے۔ ایسے لوگوں کو جیل بھیج کر انہیں پھانسی کی سز ا دی جانی چاہئے لیکن اس سے قطع نظر نہیں کیا جاسکتا کہ آر ایس ایس کے ہی ایک ورکر یشونت شندے نے یہ اعتراف کیا ہے کہ ملک میں دھماکوں کے پس پردہ آر ایس ایس ملوث ہے۔ اس نے بم سازی کی تربیت کشمیر میں لی تھی ناندیڑ بم دھماکہ میں اس نے گواہ ببنے کی عرضی تک داخل کی ہے۔

انہوں نے کہا کہ بی جے پی کا ایک لیڈر آئی ایس آئی کو خفیہ دستاویزات فراہم کرنے کے الزام میں پکڑا گیا، اس لئے کارروائی کا جو پیمانہ ہے وہ درست ہونا چاہئے، جو کوئی تنظیم یا جماعت دہشت گردی یا ملک مخالف سرگرمیوں میں ملوث ہے۔ اس پر پابندی عائد ہونی چاہئے۔ صرف کسی ایک طبقہ کو نشانہ بنانا غلط ہے۔ ابوعاصم اعظمی نے کہا کہ سیمی پر پابندی لگائی تو میں نے بھی اس کا خیر مقدم کیا تھا لیکن اس کے خلاف حکومت نے کوئی ثبوت تک پیش نہیں کئے۔ اس لئے جج نے اس پر پابندی کو ہٹانے کا حکم جاری کیا تھا۔

انہوں نے مزید کہا کہ کوئی بھی تنظیم ملک کے خلاف سرگرمیوں میں ملوث ہے تو اس پر کارروائی ضروری ہے لیکن قانون کے نفاذ میں امتیاز اور تعصب سے کام نہ لیا جائے کیونکہ ہمارا ملک سیکولر ہے اور ملک دستور پر ہی چلے گا۔