Gujarat Elections 2022 کنچن جری والا نے اغوا کی خبر کو فرضی قرار دیا

کنچن جری والا نے کہا کہ انہوں نے کسی کے دباؤ میں اپنی نامزدگی واپس نہیں لی ہے اور نہ ہی اس کے لیے انہیں یا ان کے خاندان کو اغوا کیا گیا ہے۔ Gujarat Elections 2022

احمد آباد: عام آدمی پارٹی کے امیدوار کنچن جری والا نے اپنے اغوا ہونے کی خبر کو بالکل فرضی قرار دیا۔ انہوں نے کہا کہ جو کچھ ہوا وہ گروہ بندی تھی اور اسی وجہ سے انہوں نے کاغذات نامزدگی واپس لے لی۔ انہوں نے دہلی کے نائب وزیر اعلی منیش سسودیا سمیت تمام عآپ رہنماؤں کے الزامات کو بھی مسترد کر دیا۔ جری والا نے کہا کہ انہوں نے کسی کے دباؤ میں اپنی نامزدگی واپس نہیں لی ہے اور نہ ہی اس کے لیے انہیں یا ان کے خاندان کو اغوا کیا گیا ہے۔ پارٹی کی اندرونی گروہ بندی اور عام آدمی پارٹی کے خلاف آنے والے لوگوں کی رائے اور خاندانی وجوہات کی وجہ سے پرچہ نامزدگی واپس لیا گیا ہے۔ انہوں نے کہا کہ میں نے اپنا فارم بھرنے کے بعد معاشرے کے لوگوں سے بات کی۔ میں نے اپنی انتخابی مہم کے دوران بھی لوگوں سے بات کی، میں ذہنی دباؤ کا شکار تھا، اس لیے میں نے امیدواری واپس لینے کا ارادہ کیا۔ AAP candidate kanchan jariwala denied allegations of withdraw nomination under pressur

آپ کو بتا دیں کہ دہلی کے نائب وزیر اعلی اور عام آدمی پارٹی کے رہنما منیش سسودیا نے بی جے پی پر کنچن جری والا کے اغوا کا الزام لگایا تھا۔ انہوں نے کہا کہ 500 پولیس والوں نے انہیں گھیر لیا اور انہیں آر او کے دفتر لے آئے۔ انہیں اپنی نامزدگی واپس لینے پر مجبور کیا گیا۔ سورت (مشرق) سے عام آدمی پارٹی کے ایم ایل اے کنچن جری والا کے مبینہ اغوا کے ہائی وولٹیج ڈرامے کے چند گھنٹے بعد دہلی کے نائب وزیر اعلی منیش سسودیا بی جے پی کے خلاف کارروائی کا مطالبہ کرتے ہوئے الیکشن کمیشن کے دفتر پہنچے۔ سسودیا نے پارٹی کے دیگر کارکنوں کے ساتھ الیکشن کمیشن کے دفتر کے باہر بھارتیہ جنتا پارٹی (بی جے پی) کے خلاف احتجاج کیا۔ میڈیا سے بات کرتے ہوئے انہوں نے کہا کہ تاریخ میں یہ پہلا موقع ہے کہ کسی امیدوار کو اغوا کیا گیا ہے۔ بعد ازاں امیدوار پر کاغذات نامزدگی واپس لینے کے لیے دباؤ ڈالا گیا ہے۔ انہوں نے کہا کہ الیکشن کمیشن اسے بہت سنجیدگی سے لے اور فوری ایکشن لے۔