میرٹھ: ریاست اترپردیش کے ضلع میرٹھ میں واقع مدرسہ دارالعلوم کے شاہی جامع مسجد میں اصلاح معاشرہ کے عنوان سے ایک پروگرام کا انعقاد کیا گیا، جس میں مہمان خصوصی ڈائریکٹر شاہ ولی اللہ انسٹی ٹیوٹ دہلی مفتی عطاء الرحمن قاسمی نے شرکت کی۔ اس موقع پر انہوں نے کہا کہ اتحاد وقت کی اہم ضرورت ہے۔ ہمیں آپسی اختلافات کو دور کرکے اتحاد قائم کرنا چاہئے، ساتھ ہی انہوں نے تعلیم و تربیت کی اہمیت و فضیلت پر روشنی ڈالی۔ Program held in Madrasah Darul Uloom
شاہی جامع مسجد میں واقع مدرسہ دارالعلوم میں آج شاہ ولی اللہ انسٹی ٹیوٹ دہلی کی جانب سے اصلاح معاشرہ اور اتحاد ملت پروگرام کا انعقاد کیا گیا۔ شاہ ولی اللہ انسٹی ٹیوٹ کے ڈائریکٹر مفتی عطا الرحمٰن قاسمی نے جلسے کو خطاب کرتے ہوئے شاہ ولی اللہ کی سماجی، اقتصادی اور عملی صلاحیتوں کا ذکر کیا۔ انہوں نے ملک کے موجودہ حالات پر اظہار خیال کرتے ہوئے کہا کہ اقوام کے زوال و عروج کے اسباب پر تو اکثر اہل علم روشنی ڈالتے ہیں لیکن آج اس بات کی بھی ضرورت ہے کہ اقوام کے عروج کے لئے جو نسخہ شاہ ولی اللہ کی کتابوں میں موجود ہے، اس پر بھی غور کیا جائے اور ملت اسلامیہ کو ان تمام باتوں کو اختیار کرنے کے لئے تیار کیا جائے تاکہ اس امت کو پھر سے عروج حاصل ہو سکے۔