غلطی سے بھارتی سرحد میں داخل ہونے والے پاکستانی شہری کو واپس کیا گیا

ایک پاکستانی شہری (Pakistani Resident) غلطی سے بھارتی حدود میں داخل ہوگیا تھا۔ اس سے تفتیش کے بعد بھارتی بارڈر سکیورٹی فورس نے اتوار کے روز پاکستانی شہری کو رینجرز کے حوالے کردیا۔ بزرگ کے بیمار ہونے کی وجہ سے بھارتی فوج نے دوائیں بھی فراہم کیں۔

راجستھان کے باڑمیر میں سرحد پر تعینات بی ایس ایف کے جوانوں نے ایک بار پھر انسانیت کا پیغام دیا ہے۔ جہاں ایک مشتبہ معمر پاکستانی شہری کے بھارتی سرحد میں داخل ہونے کے بعد سکیورٹی ایجنسیوں نے سخت انکوائری کی اور بزرگ کے بیمار ہونے کی وجہ سے دوائیں فراہم کرکے شام 5 بجے پاکستانی رینجرز کے حوالے کردیا۔

غلطی سے بھارتی سرحد میں داخل ہونے والے پاکستانی شہری کو واپس کیا گیا

یہ 65 سال محب علی غلطی سے پاکستانی سرحد سے بھارتی سرحد میں داخل ہوگیا تھا۔

ہفتے کی دیر رات موناباؤ فارورڈ کے قریب مشتبہ دراندازوں نے پاکستانی حدود سے دراندازی کی تھی۔ جس کے بعد کئی گھنٹوں کی تفتیش کے بعد یہ بات سامنے آئی کہ پاکستانی شہری محب علی پاکستان کا رہائشی ہے اور وہ بھومرانی گاؤں سے تعلق رکھتا ہے جو کہ پاکستان کے پوسٹ غازی کیمپ سے 4 کلومیٹر دوری پر واقع ہے۔

تفتیش کے دوران اس نے بتایا کہ وہ اپنی بھیڑ بکریوں کی تلاش کرتے ہوئے بھارتی سرحد میں داخل ہو گیا تھا۔ پاکستانی شہری سے پوچھ تاچھ کے دوران اس نے خود کو غیر صحت مند بتایا جس پر بارڈر سیکیورٹی فورس نے دوائیں بھی مہیا کرائی۔

پاکستانی شہری سے کسی قسم کی مشکوک چیز نہ ملنے کے بعد یہ سمجھا گیا کہ وہ شخص غلطی سے بھارت کی سرحد میں داخل ہوگیا تھا۔ شام پانچ بجے بارڈر سکیورٹی فورس نے پاکستانی رینجرز کے ساتھ میٹنگ کے بعد اسے واپس پاکستان کے حوالے کردیا۔

یہ پہلا موقع نہیں جب بارڈر سکیورٹی فورس نے فراخ دلی کا مظاہرہ کرتے ہوئے کسی پاکستانی شہری کو واپس کیا ہو۔ اس سے پہلے بھی 2 اپریل کو ایک 8 سالہ لڑکا غلطی سے بھارتی سرحد میں داخل ہوگیا تھا۔ جس کے بعد تحقیقات مکمل ہونے کے بعد اسے واپس پاکستانی رینجرز کے حوالے کردیا گیا۔