'مرادآباد میں جلد ہی ایک سرکاری یونیورسٹی قائم کی جائے گی'

راجیہ سبھا کے رکن پارلیمان ظفر اسلام نے میڈیا سے بات چیت کرتے ہوئے کہا کہ ریاستی حکومت نے خواتین کی حفاظت کیلئے مشن شکتی مہم چلائی، یہ مہم خواتین کی حفاظت کیلئے ہے۔

اترپردیش حکومت کے ساڑھے چار سال مکمل ہونے پر راجیہ سبھا کے رکن پارلیمان ظفر اسلام نے مرادآباد کے سرکٹ ہاؤس میں ایک پریس کانفرنس کی، جس میں انہوں نے اترپردیش حکومت کے ساڑھے چار سال کے کاموں کو تفصیل سے بتایا۔

راجیہ سبھا کے رکن پارلیمان ظفر اسلام نے میڈیا سے بات چیت کرتے ہوئے کہا کہ ریاستی حکومت نے خواتین کی حفاظت کیلئے مشن شکتی مہم چلائی، یہ مہم خواتین کی حفاظت کیلئے ہے۔

انہوں نے بتایا کہ ریاستی حکومت نے بسوں میں سی سی ٹی وی کیمرے لگا کر خواتین کو بس کنڈکٹر کے طور پر رکھا ہے، ریاست میں 30 نئے میڈیکل کالج کھولے گئے ہیں، مرادآباد میں جلد ہی ایک سرکاری یونیورسٹی قائم کی جائے گی جسکا مطالبہ برسوں سے کیا جا رہا ہے، مرادآباد میں تقریبا 25000 مکانات تعمیر کرائے گئے ہیں۔

انہوں نے کہا کہ بی جے پی حکومت 'سب کا ساتھ سب کا وکاس' کے نارے کے تحت 53 فیصدی مکانات اقلیتی سماج کے لوگوں کو دئیے گئے ہیں۔

پنجاب کے وزیر اعلی کے استعفے کے سوال پر انہوں نے کہا پنجاب کے وزیر اعلی امرندر سنگھ اپنے آپکو بے عزت محسوس کر رہے تھے۔ انہیں تین بار دہلی بلایا گیا۔ وہ آرمی کے کیپٹن رہے ہیں۔ ملک کی بہتری کے لئے انہوں نے پارٹی سے اختلاف کرکے اپنا اسٹنڈ لیا ہے۔