ضلع اننت ناگ کے چھہ علاقے ریڈ زون قرار دیے گئے

کورونا وائرس کے بڑھتے پھیلاؤ کے پیش نظر ضلع انتظامیہ اننت ناگ کی جانب سے ضلع کے چھہ علاقوں کو ریڈ زون قرار دیا گیا ہے۔

ان علاقوں میں حلقہ شانگس کے سانبرونہ اور نوگام ، حلقہ اچھہ بل کا مومن آباد، قاضی باغ ،دیوہ کالونی ،ویری ناگ لوکہ بھون، کھرم بجبہاڑہ شامل ہیں۔

ضلع ترقیاتی کمشنر اننت ناگ ڈاکٹر پیوش سنگلا کی جانب سے اس سلسلہ میں ایک حکمنامہ جاری کیا گیا ہے جس کے تحت ان تمام علاقوں کو ڈیزاسٹر منیجمنٹ ایکٹ کے تحت ریڈ اور مائکرو کنٹونمنٹ زون قرار دیا گیا ہے۔

ضلع اننت ناگ کے چھہ علاقے ریڈ زون قرار دیے گئے

اس کا مقص عوام کے تحفظ کو ممکن بنایا اور مہلک وبا کے پھیلاؤ کو روکنا ہے۔

ریڈ اور مائکرو کنٹونمنٹ زون قرار دئے گئے تمام علاقوں میں ضروری اقدامات اٹھانے اور سرکاری احکامات کی پاسداری کو ممکن بنانے کے لئے متعلقہ سرکاری افسران کو ذمہ داری سونپی گئی ہے۔