راجستھان میں کان گرنے سے 5 مزدور ہلاک

راجستھان کے بھیلواڑہ ضلع کے آسیند تھانہ علاقے میں کان گرنے سے تین خواتین سمیت 7 مزدور ملبے میں دب گئے تھے ۔ان میں سے5 مزدور کی لاش کو باہرنکالا گیا ۔خبر ملنے پر ضلع کلکٹرشو پرشاد، ایس پی وکاش شرما، رکن اسمبلی رام لال جاٹ سمیت میڈیکل اور ایس ڈی آر ایف کی ٹیم موقع پر پہنچ گئی۔

بھیلواڑا ضلع کے آسیند تھانہ علاقے کے لاچھوٹا گاوں میں نورمحمد کے کھیت میں ایک کان سے چوری سے مٹی نکالی جارہی تھی۔ اور سنگرام نامی شخص اس کان کو چلا رہا تھا۔

آج اس کان میں کھدائی کے دوران کان گر گئ۔ اس کان میں کام کرنے والے مزدور دب گئے۔

موقع پر موجود لوگوں نے پولیس اور انتظامیہ کو اس کی اطلاع دی جس کے بعد میں ایس ڈی ایف کی ٹیم اور راجستھان پولیس کے جوان موقع پر پہنچے اور راحت کا کام شروع کیا۔

وہی انتظامیہ کے اعلیٰ افسران موقع پر پہنچنے کے بعد مقامی باشندوں کی جانب سے راجستھان حکومت اور پولیس کے خلاف نعرے بازی کی جانے لگی۔

مقامی باشندوں کا کہنا ہے کہ ہم نے کئی مرتبہ کان کو لے کر شکایت کی لیکن کوئی حل نہیں نکل سکا۔

اگر وقت پر یہاں کاروائی ہو جاتی تو آج یہ بڑا حادثہ پیش نہیں آتا۔

راجستھان میں ہوئے اس بڑے حادثے کو لے کر راجستھان کے وزیر اعلی اشوک گہلوت، بی جے پی کے ریاستی صدر ستیش پونیا، سابق وزیراعلی وسندھرا راجے، سابق نائب وزیر اعلی سچین پائلٹ سمیت دیگر رہنماؤں کی جانب سے غم کا اظہار کیا۔