سمبل بانڈی پورہ میں دھماکہ، 6 افراد زخمی

شمالی کشمیر کے بانڈی پورہ علاقے میں سمبل کے مقام پرایک دھماکہ ہوا ہے جس کے تنیجے میں کم از کم 6 افراد زخمی ہوئے ہیں۔

ای ٹی وی بھارت کے نمائندے کے مطابق پولیس نے ابھی تک یہ نہیں بتایا کہ یہ دھماکہ کس نوعیت کا ہے۔ مقامی لوگوں کے مطابق نامعلوم افراد نے ایک گرینیڈ چلایا جس کے نتیجے میں کئی افراد زخمی ہوئے ہیں۔

اس دھماکے میں کم از کم پانچ افراد کے زخمی ہونے کی اطلاع ہے۔ جن میں دو کی حالت نازک بتائی جارہی ہے۔زخمیوں کو شیر کشمیر انسٹی ٹیوٹ آف میڈیکل سائنسز صورہ میں منتقل کیا گیا ہے۔

اسپتال انتظامیہ نے دھماکے میں زخمی افراد کی شناخت کی ہے۔ صفا پورہ کے رہنے والے مشتاق احمد بھٹ، مارکنڈل کی رہنے والی عبدالحمید ملا کی بیوی تسلیمہ، فیصل فیاض، فیروز احمد ولد بشیر احمد، ملورہ کے رہنے والے محمد الطاف، صفا پورہ کے رہنے والے فیصل احمد، یہ افراد دھماکے میں زخمی ہوئے ہیں۔

پورے علاقے کو محاصرے میں لیا گیا ہے۔