بی جے پی امیدوار کی کار سے ای وی ایم برآمد، الیکشن کمیشن کے 4 افسران معطل

انتخابات کے درمیان آسام کے کریم گنج ضلع میں ایک کار سے ای وی ایم برآمد کیے جانے پر ماحول کافی گرم ہوگیا ہے۔ اس معاملے میں الیکشن کمیشن نے چار افسران کو معطل کر دیا ہے۔ ساتھ ہی ایف آئی آر درج کرنے کا حکم دیا ہے۔

کانگریس کی جنرل سکریٹری پرینکا گاندھی واڈرا نے کار کا ویڈیو ٹویٹ کرتے ہوئے لکھا ہے کہ جس بولیرو گاڑی سے ای وی ایم ملے وہ پاتھرکانڈی اسمبلی کے بی جے پی امیدوار کرشنندو پال کی ہے۔

خاص بات یہ ہے کہ کار کے ساتھ نہ ہی الیکشن کمیشن کا کوئی افسر تھا اور نہ ہی اندر کوئی سیکورٹی گارڈ ہی تھا۔ اس معاملے میں الیکشن کمیشن نے چار افسران کو معطل کر دیا ہے اور ساتھ ہی ایف آئی آر درج کرنے کا حکم بھی دیا ہے۔ الیکشن کمیشن نے ڈسٹرکٹ الیکشن آفیسر سے جواب بھی مانگا ہے۔

ذرائع کے مطابق ای وی ایم لے جا رہی گاڑی خراب ہو جانے کی وجہ سے لفٹ لی گئی جو کہ بی جے پی امیدوار کی نکلی۔ الیکشن کمیشن کے حلف نامے میں بھی یہ کار کرشنندو پال کی ہی بتائی گئی ہے۔