دہلی پولیس میں 381 نئے سب انسپکٹرز کی تقرری کی گئی ہے، ان سب انسپکٹرز میں 14 ریاستوں اور مرکز کے زیر انتظام علاقوں کے رہائشی ہیں۔
پولیس کمشنر راکیش استھانہ نے گزشتہ روز جھارونڈا کلاں پولیس ٹریننگ کالج کیمپس میں پاسنگ پریڈ کے دوران ان کوعہدے اور راز داری کا حلف دلایا۔
ان سب انسپکٹرز میں سے ایک انگریزی مضمون میں ، پانچ ایم ٹیک ، چار ایم بی اے ، 124 پوسٹ گریجویٹ ، 102 بی ٹیک ، تین بی سی اے اور 142 گریجویشن مکمل کرنے کے بعد دہلی پولیس میں شامل ہوئے ہیں۔
ضروری اور لازمی تربیت دینے کے بعد انھیں دہلی پولیس میں شامل کیا گیا ہے۔
ان تقرر شدہ سب انسپکٹرز میں زیادہ سے زیادہ 140 ہریانہ سے ہیں۔ دہلی سے 94 ، اترپردیش سے 62 ، راجستھان سے 52 ، بہار سے 13 ، مدھیہ پردیش سے 8 ، جھارکھنڈ سے تین ، پنجاب اور اتراکھنڈ سے 2-2 اور مہاراشٹر ، ناگالینڈ ، چنڈی گڑھ ، جموں و کشمیر اور دادر ناگر حویلی سے ایک ایک نوجوان شامل ہیں۔