بھارت بند کے دوران 3 کسانوں کی موت : کسان تنظیم

مرکزی حکومت کے تینوں زرعی قوانین کے خلاف احتجاج میں بھارت بند کے دوران پیر کے روز تین کسانوں کی موت ہوئی ہے۔ متحدہ کسان مورچہ کی قیادت میں ملک بھر کی 40 سے زائد کسان تنظیموں نے آج بھارت بند کی کال دی تھی۔

متحدہ کسان مورچہ نے ایک بیان جاری کرتے ہوئے کہا کہ بند کے دوران تین کسانوں کی موت ہو گئی ہے۔ انہوں نے کہا کہ مرنے والے کسانوں کے بارے میں تفصیلات اکٹھا کی جارہی ہیں۔ ہریانہ کی سنگھو بارڈر پر ایک کسان کی دل کا دورہ پڑنے سے موت ہوگئی۔

تاہم پولیس کا کہنا ہے کہ کسان کی موت کی اصل وجہ پوسٹ مارٹم کے بعد ہی معلوم ہوگی۔ خیال رہے مرکزی حکومت کے تین زرعی قوانین کے خلاف احتجاج کرتے ہوئے متحدہ کسان مورچہ کی قیادت میں ملک بھر کی 40 سے زائد کسان تنظیموں نے آج بھارت بند کی کال دی تھی۔

کسانوں کے بھارت بند کو کئی سیاسی پارٹیوں بشمول کانگریس، عام آدمی پارٹی، بہوجن سماج پارٹی، سماج وادی پارٹی، وائی ایس آر کانگریس، بائیں بازو کی جماعتوں کی حمایت حاصل تھی۔
یو این آئی