یہ طلباء جنوری 2021 میں یونین پبلک سروس کمیشن کے زیر اہتمام ہونے والے اہم امتحان میں شریک ہوئے، اس کے بعد اگست اور ستمبر 2021 کے مہینوں میں پرسنلٹی ٹیسٹ لیے گئے۔
جے ایم آئی کی وائس چانسلر پروفیسر نجمہ اختر نے تمام کامیاب طلباء کو مبارکباد دی۔ اس کامیابی کے پیچھے طلبہ کی محنت کے ساتھ ساتھ اساتذہ اور آر سی اے کے اسٹاف ممبران اور جے ایم آئی کی دیگر فیکلٹیوں کو ان کی قیمتی خدمات کے لیے بھی مبارکباد پیش کی۔
جامعہ ملیہ اسلامیہ کی ریسیڈینشل کوچنگ اکیڈمی یونیورسٹی گرانٹس کمیشن کی مالی اعانت سے ایس سی، ایس ٹی، ویمن اور اقلیتی زمروں سے تعلق رکھنے والے طلباء کو مفت کوچنگ اور رہائشی سہولیات فراہم کرتا ہے۔ انہیں ان کی جامع کوچنگ کے لیے آل انڈیا تحریری ٹیسٹ کی بنیاد پر منتخب کیا جاتا ہے جس کے بعد انفرادی انٹرویو ہوتے ہیں۔
مزید پڑھیں:
آر سی اے میں داخل ہونے کے بعد طلباء کو مفت ہاسٹل، 24x7 اے سی لائبریری، جنرل سٹڈیز کی کلاسز، کچھ اختیاری مضامین، قومی اور بین الاقوامی مسائل پر ماہرین کے خصوصی لیکچرز، ایم سی کیو اور سبجیکٹیو دونوں قسم کی ٹیسٹ سیریز اور ایک پینل کے ذریعے انٹرویو جیسی سہولیات فراہم کی جاتی ہیں۔
