تلنگانہ کے یادادری بھونگیر ضلع کے چوٹ اُپل میں پیش آئے سڑک حادثہ میں 15 افراد زخمی ہوگئے۔ یہ حادثہ آج صبح کی اولین ساعتوں میں پیش آیا۔
ٹپرلاری نے پرائیویٹ ٹراویلس کی بس کو ٹکر دے دی۔ یہ بس اے پی کے کاکناڈا سے حیدرآباد کی سمت جارہی تھی کہ یہ حادثہ پیش آیا۔ پولیس نے کہا کہ اس حادثہ میں 15 افراد بشمول بس اور لاری کے ڈرائیورس زخمی ہوگئے۔
ڈرائیورس کی حالت تشویشناک بتائی جاتی ہے۔ اس حادثہ کے نتیجہ میں اس علاقہ میں ٹریفک جام ہوگئی اور تقریباً دو کیلو میٹر تک گاڑیوں کی طویل قطاریں دیکھی گئیں۔
اسی دوران اطلاع ملتے ہی پولیس وہاں پہنچ گئی جس نے زخمیوں کو علاج کے لئے اسپتال منتقل کیا اور اس روٹ کو ٹریفک کے لئے بحال کیا۔ پولیس نے اس سلسلہ میں ایک معاملہ درج کرکے جانچ شروع کردی۔
یو این آئی