اجمیر کے دورے پر آئے گورنر ستیہ پال ملک نے خواجہ غریب نواز کی درگاہ پر مخملی چادر اور عقیدت کے پھول پیش کرنے کے بعد کہا کہ 'وہ کشمیر میں سب سے بات چیت کے لئے تیار ہیں'۔
انہوں نے کہا 'میں پورے احترام و عزت کے ساتھ کشمیر کی سیاسی پارٹیوں کو بات چیت کے لئے مدعو کرتا ہوں تاکہ ریاست میں امن قائم ہوسکے'۔
بھارت -پاکستان کے رشتوں پر تبصرہ کرنے سے انکار کرتے ہوئے انہوں نے کہا' میں اس موضوع پر کچھ نہیں کہہ سکتا ہوں۔یہ دونوں ملکوں کی حکومتوں کا مسئلہ ہے،لیکن میں نے آج اجمیر درگاہ شریف میں زیارت کرکے جموں و کشمیر سمیت پورے ملک کے لئے امن و سکون ،خوشحال اور بھائی چارے کی دعا کی ہے'۔
ملک نے اجمیر میں ڈگی چوک پر واقع جموں و کشمیر بینک کی شاخ کا بھی افتتاح کیا۔اجمیر میں جموں اینڈ کشمیر بینک کی یہ پہلی شاخ ہے اور افتتاح کے بعد یہاں پہلا کھاتا بھی کھولا گیا ہے۔
برانچ منیجر رئیس احمد نے کہا کہ 'جے اینڈ کے بینک ایک پرائیویٹ بینک ہے اور ملک بھر میں اس کی تقریباً ایک ہزار شاخیں ہیں'۔