'عام انتخابات میں کامیابی کے لیے جدوجہد کی جائے'

وزیر اعظم نریندر مودی نے آج ویڈیو کانفرنس کے ذریعےملک بھر میں بھارتیہ جنتا پارٹی کے کارکنوں سے براہ راست تبادلہ خیال کیا۔

وہیں اس ویڈیو کانفرنس میں کشمیر صوبے سے وابستہ بی جے پی کارکنان اور عہدیدارن بھی موجود رہے۔

کشمیر صوبے سے اس ویڈیو کانفرنس میں پارٹی کے ریاستی جنرل سیکرٹری اشوک کول، ریاستی نائب صدر ڈاکڑ علی محمد میر، ریاستی ترجمان الطاف ٹھاکر اور پروگرام کو آڈینیٹر اشوک بٹ کے علاوہ کئی دوسرے عہدیدار بھی شامل رہے۔

اس کانفرنس میں وزیر اعظم نریندر مودی نے پارٹی کے کارکنان پر زور دیا کہ وہ آنے والے انتخابات کی تیاریوں میں جوش و خروش کے ساتھ جٹ جائے تاکہ ملک کے ساتھ ساتھ ریاست میں بھی بھارتیہ جنتا پارٹی بھاری اکثریت کے ساتھ کامیابی حاصل کرے۔

اس دوران مختلف ریاستوں کے کئی پارٹی کارکنان نے وزیر اعظم نریندر مودی سے براہ راست کئ سوالات بھی پوچھے ۔