کشمیر: سکیورٹی گارڈ کی رائفل غائب

جنوبی کشمیرکے شوپیان کے کندلن علاقے میں قائم جموں کشمیر بینک برانچ کی حفاظت پر مامور سکیورٹی اہلکار کی رائفل غائب ہو گئی۔

نمائندے کے مطابق جہانگیر احمد نامی سکیورٹی اہلکار نے اپنی سروس رائفل بینک کے اندر رکھی تھی اور خود بینک سے باہر نکلے تھے۔

نمائندے نے بتایا کہ سکیورٹی اہلکار جب واپس آئے تو انہوں نے بارہ بور رائفل غائب پائی ، جس کے بعد وہاں پر سنسنی پھیل گئی۔

نمائندے نے بتایا کہ رائفل غائب ہونے کے فوری بعد بینک منتظمین نے پولیس کو مطلع کیا۔

پولیس نے جائے وقوع پر پہنچ کر حالات کا جائزہ لیا اور مقدمہ درج کرکے تحقیقات شروع کی ۔