رامسو اور رام بن کے درمیان موم پسی کے مقام پر زمینی تودے اور چٹانیں کھسکنے کی وجہ سے ٹریفک بند کر دی گئی تھی جس کی وجہ سے سینکڑوں گاڑیاں پھنس گئی تھیں۔
گذشتہ شام سڑک کو بحال کر کے جموں کی طرف گاڑیوں کو جانے کی اجازت دے دی گئی۔
تاہم دوبارہ رام بن قصبہ میں سڑک دھنس جانے کی وجہ سے ٹریفک نظام متاثر ہوا تھا۔
ٹریفک ذرائع نے بتایا کہ آج بعد دوپہر میں جزوی طور پر رامبن قصبہ میں مسافر بردار چھوٹی گاڑیوں اور تیل کے ٹینکرز کو چندر کورٹ سے وادی کی طرف روانہ کر دیا گیا ہے۔
اس کے ساتھ ہی بانہال اور رامسو کے درمیان جو گاڑیاں پھنس گئی تھیں، ان گاریوں کو جموں کی طرف آنے کی اجازت دے دی گئی ہے۔