کشمیر : 17 سالہ لڑکی کی خود کشی

جموں و کشمیر کے ضلع پلوامہ کے مورن علاقے میں قابل اعتراض تصاویر وائرل ہونے کے بعد ایک لڑکی نے خودکشی کر لی۔

اہلخانہ نے الزام عائد کیا کہ ایک نوجوان قابل اعتراض تصاویر وائرل کرکے لڑکی کو بلیک میل کرنا چاہتا تھا۔

لڑکی کے والد نے الزام عائد کیا کہ 'مدثر احمد نامی نوجوان نے ان کی تصاویر فیس بُک پر وائرل کر دی جس کی وجہ سے میری بیٹی نے زہر کھا لیا'۔

انہوں نے کہ مدثر احمد نے ان کی بیٹی کو خود کشی پر مجبور کیا۔

لڑکی کے والد شوکت احمدنجار نے کہا کہ انہیں فوری طور ہسپتال منتقل کیا گیا تاہم ان حالت نازک دیکھ کر سرینگر ہسپتال ریفر کیا گیا، جہاں آج صبح ان کا انتقال ہو گیا۔

شوکت احمد نے کہا کہ اس لڑکے کو جلد از جلد گرفتار کر کے کڑی سے کڑی سزا دی جائے۔

نمائندے کے مطابق یہ خبر پھیلتے ہی علاقے میں سننی پھیل گئی۔

نمائندے نے بتایا کہ ہسپتال میں پوسٹ مارٹم کرکے لڑکی کی جسد کھاکی کو اہلخانہ کے حوالے کر دیا گیا ہے۔

ادھر ایس ایس پی پلوامہ شری چندن کولی نے کہا کہ پولیس نے اس معاملے پر ایف آئی آر درج کرکے تحقیقات شروع کر دی ہے۔