عمران کا پلوامہ حملے پر ثبوت طلب کرنا بے تکی بات : جیٹلی

مرکزی حکومت نے آج کہا ہے کہ پلوامہ حملے کے مجرم پاکستان میں ہی موجود ہیں اور وہاں کے وزیر اعظم عمران خان کا اس ضمن میں بھارت سے خفیہ اطلاع کے ثبوت طلب کرنے کی بات بے تکی ہے۔

وزیر اعظم نریندر مودی کی صدارت میں کابینہ کے اجلاس کے بعد، وزیر خزانہ ارون جیٹلی نے ایک پریس کانفرنس میں کہا کہ عسکریت پسند تنظیم جش محمد نے خود تسلیم کیا ہے کہ انہوں نے یہ حملہ کیا ہے۔ اس صورت حال میں پاکستان کے وزیر اعظم کا بھارت سے 'انٹیلی جنس ثبوت' کا مطالبہ مناسب نہیں ہے۔

ARUN JAITLY

انہوں نے کہا 'ثبوت آپ کے گھر میں ہے۔ بھارتی حکومت نے ممبئی کے حملے کے بارے میں بھی ثبوت فراہم کیے تھے لیکن اس کے مجرموں پر کیا کارروائی کی گئی تھی'۔

جیٹلی نے کہا 'حملے میں ملوث ہونے والے تین عسکریت پسندوں کو سیکورٹی فورسز کی طرف سے ہلاک کردیا گیا ہے، جن میں سے دو اس حملے کے ماسٹر مائنڈ تھے۔ وہ دونوں پاکستانی شہری تھے، پھر انٹیلی جنس رپورٹ کے بارے میں پوچھنے کی کیا ضرورت ہے'؟