فیس کی زیادتی پر طالبات کا احتجاجی مظاہرہ

کشمیر یونیورسٹی کے ساؤتھ کیمپس( اننت ناگ) کے بی ایس سی نرسنگ کے طلبہ نے فیس کی زیادتی کے خلاف موسم کی پرواہ کئے بغیر احتجاجی مظاہرہ کیا۔

اس موقو پر طلبہ نے کہا کہ ادارے کی جانب سے کورس کی زیادہ فیس لی جار ہی ہے۔ یہ فیس دیگر نیجی اور سرکاری نرسنگ کالجوں سے بھی زیادہ ہے۔

nursing

انہوں نے کہا کہ ہمارا کالج کشمیر یونیورسٹی سے الحاق ہے، اس کے باوجود یہاں سالانہ فیس بہت زیادہ لی جا رہی ہے۔

مظاہرہ کرنے والے طلبہ کے گروپ کے مطابق ریاست کے دیگر نرسنگ کالجوں میں 30-40 ہزار فیس سالانہ لی جاتی ہے، جب کہ ان کے کالج سے 77 ہزار فیس لی جاتی ہے، جو ان کے والدین کے لیے ناقابلِ برداشت ہے۔

انہوں نے ریاست کے گورنر سے سفارش کی ہے کہ ان کے کالج کی فیس کو کم کرائا جائے ورنہ زیادہ فیس کے سبب وہ سب تعلیم کو ترک کرنے کے لیے مجبور ہوجائیں گی۔