کشمیر میں شجرکاری کا موسم شروع

وادی کشمیر میں شجر کاری کا موسم شروع ہوتے ہی بازاروں میں پیڑ پودوں کی خرید و فروخت کا سلسلہ شروع ہو گیا ہے۔

بازاروں میں پھل دار و دیگر مختلف اقسام کے پیڑ پودوں کے اسٹال قائم کئے گئے ہیں، جن میں خاص کر سیب کے پیڑ پودوں کی خرید و فروخت عروج پر ہے ۔

گزشتہ برسوں کے مقابلہ میں رواں برس سیب کے پیڑوں کی قیمت میں کافی اضافہ دیکھنے کو مل رہا ہے۔

سیب کے ایک پیڑ کو دو سو سے تین سو تک فروخت کیا جا رہا ہے۔

پیڑ فروخت کرنے والے تاجروں کا کہنا ہے کہ پیڑوں کی کمی اور خریداروں کی بڑھتی مانگ کی وجہ سے قیمتوں میں اضافہ ہوا ہے۔

انہوں نے کہا کہ پیڑوں کی نرسری تیار کرنے کے تئیں گھٹتے رجحان کی وجہ سے پیڑوں کی تعداد کافی کمی آ گئی ہے۔ وہیں گزشتہ برس کی برف باری سے سیب کے پیڑوں کو نقصان پہنچنے کی وجہ سے مانگ میں کافی اضافہ ہوا ہے۔