جموں وکشمیر: سوپور میں تصادم جاری دوعسکریت پسندوں کے چھپے ہونے کی خبر

2019-02-22 00:27:13

ریاست جموں وکشمیر کے ضلع بارہمولہ کے سوپور قصبہ میں واقع وارپورہ علاقے کو فوج نے محاصرے میں لے لیا۔

سیکورٹی فورسز کو علاقے میں دو جنگجؤں کے چھپے ہونے کی اطلاع ملی جس کے بعد پورے علاقے کا فوج نے محاصرہ کر لیا۔

سوپور کی 22 آر آر ایس او جی فوج کے ذریعہ ایک رہائشی مکان کی تلاشی کے دوران عسکریت پسندوں نے فوج پر فائرنگ شروع کر دی۔

خبر لکھے جانے تک ملی اطلاعات کے مطابق دونوں جانب سے فائرنگ کا تبادلہ جاری ہے۔ حالانکہ  ابھی تک کسی بھی جانی نقصان کی کوئ خبر نہیں ہے۔
 
اس علاقے میں انٹرنیٹ کی خدمات کو بھی معطل کر دیا گیا ہے۔

مزید تفصیلات کا انتظار ہے۔۔۔