اوڑی کمل کوٹ کے لوگوں میں دہشت

بھارت اور پاکستان کے درمیان جاری کشیدگی کے درمیان پچھلے ایک ہفتے سے ایل اوسی پرجاری فائرنگ سے عام شہری میں خوف کا ماحول ہے ابتک نصف آبادی نقل مکانی کر چکی ہے۔

اوڑی سیکٹر کا کمل کوٹ گاؤں جو سرحد سے صرف 2 کلومیٹر کی دوری پر ہے، یہاں کے لوگوں میں خوف و ہراس کا ماحول ہے۔ گاؤں سے اب تک نصف آبادی دوسری جگہوں پر نقل مکانی کرچکی ہے۔

فائرنگ سے یہاں بہت سے گھروں کو نقصاں ہوا ہے، عبدالحمید نامی شخص نے بتایا کہ ہم کل رات کو سو رہے تھے کہ اچانک رات کے 11 بجے فائرنگ شروع ہوئی اور ایک بارود کا گولہ ہمارے گھر پر لگا جس سے ہمارے گھر میں موجود افراد کافی خوف زدہ ہو گئے، رات بھر لگاتار فائرنگ جاری رہی۔

تسلیمہ نامی ایک خاتون نے بتایا کہ گولہ باری سے ہمارے مکان کے شیشے ٹوٹ گئے اور ہمارا کافی نقصان ہو گیا۔ انہوں نے مذید بتایا کہ دونوں ملکوں کو آپس میں بات چیت کرنی چاہیے جس سے ہر مسئلےکا حل ہوگا۔