بورڈ کے امتحانات میں حجاب اتروانے والے ٹیچر کو معطل کرنے کا مطالبہ

Hijab Controversy in Gujarat: سماجی کارکن کوثر علی سید نے بورڈ کے امتحانات میں حجاب اتروانے والے ٹیچر کو معطل کرنے کا مطالبہ کیا۔ انہوں نے کہا کہ اسکول ٹیچر کو اس بات کی وضاحت کرنی چاہیے کہ انہوں نے آخر ایسا کیوں کیا۔ بورڈ کی جانب سے اس طرح کی کوئی ہدایت ملی تھی یا پھر انہوں نے اپنے من سے کیا۔

احمدآباد:ریاست گجرات میں دسویں اوربارہویں کے بورڈ کے امتحانات جاری ہیں۔ طلبا و طالبات تیاریوں میں مصروف ہیں۔ اسی دوران انکلیشور جی آئی ڈی سی کے لائنز اسکول میں دسویں جماعت کے بورڈ امتحان کے ریاضی کے پرچہ کے دوران اس وقت تنازع کھڑا ہو گیا جب اسکول ٹیچر نے مسلم طالبات کو کلاس روم میں حجاب اتارنے پر مجبور کیا۔

اس کے بعد کے والدین نے اسکول پہنچ کر بدتمیزی کی شکایت کی اور اس معاملے کے بعد ڈسٹرکٹ ایجوکیشن آفسر نے امتحانی سینٹر کے ایڈ منسٹریٹر کو فوری طور پر ہٹا کر نیا سینٹر ایڈمنسٹریٹر مقرر کر دی ہے۔انتظامیہ کی جانب سے معاملے کو رفع دفع کرنے کی کوشش کی گئی لیکن مسلم طالبات کے حجاب اتارنے کی خبر جنگل کی آگ کی طرح پورے ضلع میں پھیل گئی۔لوگوں میں اس معاملے غم غصے کا ماحول دیکھا جا رہا ہے

اس تعلق سے سماجی کارکن کوثر علی سید نے کہا کہ بھروج ضلع میں حجاب اتروانے کا جو معاملہ بورڈ ایگزام کے دوران پیش آیا ہے ۔وہ افسوسناک ہے۔ہماری تنظیم ہماری آواز اور مسجد ون مومنٹ اس معاملے کی سخت مذمت کرتی ہے۔ ہم چاہتے ہیں کہ اس معاملے میں ملوث ٹیچر کو جلد سے جلد معطل کیا جائے ۔اس کے خلاف انکوائری ہونا چاہیے۔