ترال میں بجلی بحران سے نمٹنے کے لیے میٹنگ کا اہتمام

Chair Review Meeting In Tral ضلع پلوامہ کے ترال میں ڈی ڈی سی رکن بربخش سنگھ نے بجلی بحران سے نمٹنے کے لئے جائزہ میٹنگ کی صدرات کی۔انہوں نے کہاکہ بجلی بحران کو سنجیدگی سے لیا گیا ہے ۔اس کو لے کر متعلقہ افسران سے بات چیت کی جائے گی۔

ترال:مرکز کے زیر انتظام یوٹی جموں و کشمیر کے ضلع پلوامہ میں ڈی ڈی سی ممبر ترال ڈاکٹر ہربخش سنگھ نے آج بلاک آفس میں ایک اہم جایزہ میٹنگ کی صدارت کی ۔اس میٹنگ میں تحصیلدار ترال عمران احمد، بی ڈی او مقبول لطیف شاہ اور تمام سیکٹورل آفیسران بھی موجود تھے۔

اس موقع پر مختلف محکمہ جات کے کام کاج اور مختلف ترقیاتی منصوبوں کا جایزہ لیا گیا جبکہ بجلی فیس میں تشویشناک اضافے کو لیکر بھی زبردست بحث کی گئی ۔اس بات کا سنجیدگی سے نوٹس لیا گیا کہ کس طرح ایک ساتھ محکمہ نے بجلی فیس میں اضافہ کر کے صارفین کو پریشانیوں میں ڈال دیا گیا ہے ۔اس حوالے سے عوام کو اعتماد میں لیا جائے۔

میڈیا کے ساتھ بات کرتے ہوے ڈاکٹر ہربخش سنگھ نے بتایا کہ ترال میں پیدا شدہ بجلی بحران کے حوالے سے ایک کمیٹی بنائی گئی ہے۔ جلد ہی عوام کے جائز مطالبات پر ہمدردانہ غور ہوگا کیونکہ پچھلے کئی روز سے ترال میں احتجاج جاری ہے۔

انہوں نے مزید بتایا کہ اگر صارفین کی طرف سے میٹر لگانے کی مانگ کی جا رہی ہے تو اس بارے میں انتظامیہ کی جانب سے کوئی پس وپیش نہیں کیا جائے گا۔عوام کی ہریشانیوں کو ہرممکن دور کرنے کی کوشش کی جائے گی۔