امریکہ کے کولوراڈو کیمپس میں فائرنگ سے دو افراد ہلاک

لاس اینجلس کے یو سی سی ایس میں ہوئی فائرنگ میں دو افراد ہلاک ہوئے ہیں۔ پولیس اس معاملے میں ابھی تک کوئی نتیجہ اخذ نہیں کر پائی ہے۔

لاس اینجلس: یونیورسٹی آف کولوراڈو، کولوراڈو اسپرنگس (یو سی سی ایس) میں جمعہ کے روز ہونے والی فائرنگ میں دو افراد ہلاک ہو گئے۔ کولوراڈو اسپرنگس پولس ڈپارٹمنٹ نے سوشل پلیٹ فارم ایکس پر کہا کہ انہیں مقامی وقت کے مطابق صبح چھ بجے سے عین قبل کال موصول ہوئی جس میں کیمپس کے ایک ہاسٹل کے کمرے میں گولیاں چلنے کے بارے میں بتایا گیا، اور انہیں جائے وقوعہ پر دو لاشیں ملیں۔

اس مہلک واقعے کی تحقیقات "قتل کے طور پر" کی جا رہی ہے، تاہم، ابھی شوٹر یا مرنے والوں کے بارے میں کوئی معلومات نہیں بتائی گئیں۔ کولوراڈو اسپرنگس پولس ڈپارٹمنٹ نے ایکس پر یونیورسٹی کے طلباء اور اسٹاف سے اپیل کی ہے کہ اگر کوئی بھی ان ہلاکتوں کا عینی شاہد ہو یا اس ضمن میں کوئی جانکاری ہو تو وہ پولیس سے رابطہ کرے۔

پولس نے کہا، "ہم اس وقت مزید معلومات جاری نہیں کریں گے۔ جو کچھ ہوا اس کی تحقیقات جاری ہیں۔ ہم پوری تندہی سے کام کر رہے ہیں اور ہر امکانی پہلو پر غور کررہے ہیں۔ جب مناسب ہوگا ہم مزید معلومات جاری کریں گے۔" یو سی سی ایس کی چانسلر جینیفر سوبنیٹ نے فائرنگ کے واقعہ ایک شرپسند واقعہ قرار دیا۔ یو سی سی ایس چار کیمپس میں ایک کولوراڈو اسپرنگس ہے، جو کہ ایک عوامی تحقیقی یونیورسٹی ہے۔