ممبئی: بالی ووڈ اداکار کنال کھیمو کی ہدایت کاری میں بننے والی فلم 'مڈگاؤں ایکسپریس' کا ٹریلر جاری کر دیا گیا ہے۔ غور طلب ہو کہ اداکار کنال کھیمو فلم 'مڈگاؤں ایکسپریس' سے ہدایت کاری کے میدان میں ڈیبیو کرنے جا رہے ہیں۔ اس فلم میں دیویندو شرما، پرتیک گاندھی اور اویناش تیواری مرکزی کرداروں میں ہیں۔
واضح ہو کہ 'مڈگاؤں ایکسپریس' کے ٹریلر میں بھولی بسری یاری، ہنسنے مسکرانے اور جنگل میں ایک دلچسپ سفر کو دکھایا گیا ہے۔ مڈگاوں ایکسپریس کی کہانی تین ایسے دوستوں کی ہے، جو بچپن سے گوا جانے کا خواب دیکھتے ہیں۔ تینوں کا یہ خواب پورا بھی ہو جاتا ہے، کسی طرح وہ گوا پہنچ جاتے ہیں۔ لیکن وہاں ان کی ملاقات نورا فاتحی اور اس کے ساتھ چھایا کدم اور اوپیندر لیمے سے ہوتی ہے، جو ان کے اس سفر کو مزید پرجوش بنا دیتے ہیں۔
فلم مڈگاؤں ایکسپریس کا ٹریلر 5 مارچ کو ریلیز کر دیا گیا ہے۔ دیویندو، پرتیک گاندھی، اویناش تیواری، نورا فتحی، اپیندر لیمے اور چھایا کی اداکاری والی فلم کے ٹریلر نے مداحوں کو خوب محضوظ کرایا۔