حیدرآباد: عیدالاضحیٰ 2024 کے پرمسرت موقع پر فلمی ستارے اپنے مداحوں کو عید کی مبارکباد دینا نہیں بھول رہے ہیں۔ آج 17 جون کو ملک بھر میں بقرعید کا تہوار کافی جوش و خروش کے ساتھ منایا جا رہا ہے۔
اس موقع پر ایک کے بعد ایک فلمی سپر اسٹار اپنے مداحوں کو عید کی مبارکباد دے رہے ہیں۔ پریانکا چوپڑا، سنی دیول اور انوپم کھیر سمیت کئی ستارے صبح سویرے ہی سوشل میڈیا پر مداحوں کو عید کی مبارکباد دے چکے ہیں۔
بالی ووڈ ستاروں نے اپنے مداحوں کو عیدالاضحیٰ کی مبارکباد دی (Dulquer Salmaan Instagram) اب دن کے دوسرے حصے میں ساؤتھ سپر اسٹار مہیش بابو اور بالی ووڈ کے بھائی جان سلمان خان سمیت کئی ستاروں نے مداحوں کو عید کی مبارکباد دی۔
بالی ووڈ سپر اسٹار سلمان خان نے اگرچہ اپنے گھر گلیکسی کی بالکونی میں اپنے مداحوں کو اپنا دیدار نہ کرایا ہو لیکن سوشل میڈیا پر اپنے مداحوں کو عید کی مبارکباد دیتے ہوئے اپنی ایک شاندار تصویر شیئر کی ہے، جو ان کے مداحوں کے لیے کسی تحفے سے کم نہیں۔
بالی ووڈ ستاروں نے اپنے مداحوں کو عیدالاضحیٰ کی مبارکباد دی (Mahesh Babu Instagram) اس تصویر میں سلمان خان ایک خوبصورت پس منظر میں بیٹھے نظر آ رہے ہیں۔ سلمان خان نے اپنے مداحوں کو عید کی مبارکباد دیتے ہوئے لکھا ہے کہ 'سب کو عید مبارک'۔ سلمان خان کی اس پوسٹ کو آدھے گھنٹے میں 2 لاکھ سے زیادہ لائکس مل چکے ہیں۔
بالی ووڈ ستاروں نے اپنے مداحوں کو عیدالاضحیٰ کی مبارکباد دی (Suniel Shetty Instagram) اس کے ساتھ ہی سلمان خان کی عید کی مبارکبادی پوسٹ پر ان کے مداح بھی 'بھائی جان' کو عید کی مبارکباد دے رہے ہیں۔ ایک مداح نے لکھا، بھائی جان نے ایک جھلک دی ہے، آپ کو بھی عید مبارک۔ ایک نے لکھا، 'سلمان بھائی سے میرا پیار'۔ ایک اور مداح نے لکھا، 'آپ ہمیشہ شاندار لگتے ہو، میرا تم سے پیار ہے'۔ اس کے ساتھ ہی بہت سے مداحوں نے سلمان خان کی عید کی مبارکبادی پوسٹ پر فائر ایموجیز شیئر کی ہیں۔
ہر سال کی طرح اس سال بھی عید کے موقع پر شاہ رخ خان اور سلمان خان کے مداح ان کے دیدار کا انتظار کر رہے ہیں۔ شاہ رخ خان اپنے مداحوں کو ایک جھلک دکھانے ضرور آسکتے ہیں لیکن سلمان خان کی سیکیورٹی کو دیکھتے ہوئے دبنگ اسٹار کے لیے مداحوں کے سامنے آنا ایک بڑا چیلنج ہوگا۔ کیونکہ 14 اپریل 2024 کو سلمان خان کے گھر کے باہر فائرنگ ہوئی تھی، اس کے بعد سے سلمان خان سخت سیکیورٹی میں رہ رہے ہیں۔
قابل ذکر ہے کہ عید الاضحی 10 ذی الحجہ کو حج کے مہینے میں اس وقت ہوتی ہے جب مکہ مکرمہ کے تمام عازمین حج کے واجبات انجام دے رہے ہوتے ہیں۔عرب ممالک میں اسے عید الاضحی کے نام سے جانا جاتا ہے اور ہندوستان میں اسے بقرہ عید کے نام سے جانا جاتا ہے۔ یہ ایک بہت بڑا مسلم تہوار ہے جو بنیادی طور پر حضرت ابراھیم علیہ السلام کی سنت ہے جو حضرت ابراھیم علیہ السلام کے ایمان اور اللّٰہ تعالیٰ پر انکی عقیدت کو بیان کرتی ہے۔
