Electric Vehicle Fire in Narayanapet : ఇంటి ముందు నిలిపిన ఎలక్ట్రిక్ బైక్​లో చెలరేగిన మంటలు

Electric vehicle fire in Narayanapet District : ఇంటి ముందు నిలిపిన ఎలక్ట్రిక్ ద్విచక్ర వాహనంలో ఉన్నట్టుండి మంటలు చెలరేగడంతో.. వాహనం అగ్నికి ఆహుతైంది. ఈ ఘటన కొత్తపల్లి పోలీస్​స్టేషన్​ పరిధిలో చోటు చేసుకుంది. వాహన దారుడు చెప్పిన కథనం ప్రకారం.. నారాయణపేట జిల్లా కొత్తపల్లి మండల కేంద్రంలో ఇంటి ముందు నిలిపిన ఎలక్ట్రిక్ బైక్​లో అకస్మాత్తుగా మంటలు చెలరేగాయి. ఈ విషయం గమనించిన వాహనదారుడు హుటాహుటిన బయటకు వచ్చి మంటలను ఆర్పే ప్రయత్నం చేసిన అవి అదుపులోకి రాలేదు. అయిన పట్టు వదలకుండా నీటితో ఆర్పేందుకు ఆ యజమాని యత్నించారు. మంటలు పెద్ద మొత్తంలో చెలరేగడంతో హహనం పూర్తిగా దగ్ధం అయినట్లు యజమాని నరసింహరెడ్డి తెలిపారు. ద్విచక్ర వాహనంలో మంటలు చెలరేగడానికి అందులో ఉన్న బ్యాటరీనే కారణమని ఆయన పేర్కొన్నారు. ఇంట్లో నిలిపిన బైక్​లో మంటలు రావడంతో గ్రామస్థులు భయందోళనకు లోనయ్యారు. ఇటీవల కాలంలో ఎలక్ట్రిక్ వాహనాల్లో ఇలాంటి ప్రమాదాలు చోటు చేసుకోవడంతో వాహన చోదనలు ఆందోళనకు గురవుతున్నారు.