సైకిల్​పై వచ్చి... కేంద్ర మంత్రిగా బాధ్యతల స్వీకరణ

కేంద్ర ఆరోగ్య, కుటుంబ సంక్షేమ శాఖ మంత్రిగా నియమితులైన హర్షవర్ధన్​ బాధ్యతలు స్వీకరించారు. పలు దస్త్రాలపై సంతకాలు చేశారు. బాధ్యతలు చేపట్టేందుకు తన నివాసం నుంచి సైకిల్​పై కార్యాలయానికి వచ్చారు హర్షవర్ధన్​. కార్యాలయ సిబ్బంది పుష్పగుచ్ఛాలు అందించి ఆయనకు శుభాకాంక్షలు తెలిపారు. హర్షవర్ధన్​కు అదనంగా కేంద్ర శాస్త్ర, సాంకేతిక శాఖ మంత్రి బాధ్యతలనూ అప్పగించింది భాజపా అధిష్ఠానం.