పులిహోర, చారు, రోటీ పచ్చళ్లు, కూరల్లో చిటికెడు ఇంగువ వేస్తే చాలు రుచికి రుచి, ఆరోగ్యానికి ఆరోగ్యం. అందుకే ప్రతి వంటింటి పోపుల పెట్టెలో తప్పనిసరిగా ఉండే మసాలా దినుసు ఇది.
- చెట్టు వేర్ల నుంచి లభించే ఇంగువ జీర్ణ రసాలు ఉత్పత్తి అవడానికి తోడ్పడుతుంది. ఎంజైమ్‌ల చర్యను ప్రభావితం చేస్తుంది. దీంట్లో ఔషధాల గుణాలూ ఎక్కువే.
- ఇంగువలో క్యాల్షియం, ఫాస్ఫరస్‌, మెగ్నీషియం, ఇనుము లాంటి మూలకాలతోపాటు కెరొటిన్‌, విటమిన్‌- బి, పీచు, మాంసకృత్తులు మెండుగా ఉంటాయి.
- రోగనిరోధకతను పెంచే దీన్ని క్రమం తప్పకుండా తీసుకుంటే వైరల్‌ ఇన్‌ఫెక్షన్లు దరి చేరవు.
- అజీర్తి, కడుపులో మంట, అన్నం సరిగా జీర్ణమవకపోవడం లాంటి సమస్యల నుంచి దూరంగా ఉండాలంటే కూరల్లో చిటికెడు ఇంగువ చేర్చుకుంటే సరి. గ్లాసు మజ్జిగలో దీన్ని వేసుకుని తాగితే జీర్ణవ్యవస్థ ఆరోగ్యంగా ఉంటుంది.
- ఆకలి లేకపోవడం లాంటి సమస్యలతోపాటు జీర్ణ సంబంధ వ్యాధులను తగ్గిస్తుంది.
- అల్లం, ఇంగువ, తేనె సమ పాళ్లలో కలిపి తీసుకుంటే గొంతు నొప్పి తగ్గుతుంది.
- ఆస్తమా, దగ్గు లాంటివి నియంత్రణలో ఉండాలంటే ఇంగువను వంటల్లో చేర్చుకోవాల్సిందే.
- తలనొప్పి, ఒళ్లు నొప్పులను తగ్గిస్తుంది.
- నెలసరి సమయంలో తీసుకుంటే నొప్పుల నుంచి ఉపశమనంగా ఉంటుంది.
- దీంట్లో పలు రకాల యాంటీక్యాన్సర్‌ సమ్మేళనాలుంటాయి.
- ఇంగువ వేసిన ఆహారాన్ని తీసుకోవడం వల్ల రక్తంలోని చక్కెర స్థాయులు అదుపులో ఉంటాయి. కాబట్టి మధుమేహులకూ మంచిది.