భూ వివాదం... రైతు ఆత్మహత్యాయత్నం

భూ వివాదంలో ఇరువురు రైతులు తరచూ గొడవ పడ్డారు. ఒకరిపై ఒకరు కేసులు పెట్టకున్నారు. ఏమైందో ఏమో ఓ రైతు ఆత్మహత్యకు ప్రయత్నించాడు.

యాదాద్రి భువనగిరి జిల్లా నారాయణపూర్ మండలం అరెగూడెంకు చెందిన బచ్చనబోయిన కాశయ్యకు మరో రైతుకు భూమి బాటపై కొంతకాలంగా వివాదం నడుస్తోంది. పోలీసు స్టేషన్​లో ఒకరిపై ఒకరు కేసులు కూడా పెట్టుకున్నారు.

కాశయ్యపై ఇప్పటికే మూడు కేసులు నమోదయ్యాయి. ఈ క్రమంలో నేడు తహశీల్దార్ ఎదుట బైండోవర్ చేయాల్సివుంది. మానసిక వేదనకు గురైన కాశయ్య ఆత్మహత్యకు యత్నించాడని బంధువులు ఆరోపిస్తున్నారు.