'మొక్కలు, నర్సరీల పర్యవేక్షణ బాధ్యత సర్పంచులదే'

యాదాద్రి భువనగిరి జిల్లా తుర్కపల్లి మండలంలోని వాసాలమర్రిలో ఏర్పాటు చేసిన నర్సరీలను అదనపు కలెక్టర్ కీమ్యా నాయక్ పరిశీలించారు. ప్రతినెలా 7వ తేదీలోగా మొక్కలపై నివేదికలు పంపాలని అధికారులను ఆదేశించారు. ఎండిపోయిన వాటిస్థానంలో పెద్ద మొక్కలు నాటాలని, అప్పుడే లక్ష్యం నేరవేరుతుందన్నారు.

హరితహారంలో భాగంగా రహదారుల వెంట నాటిన మొక్కలను సంరక్షించడం, గ్రామాల్లోని నర్సరీలను పర్యవేక్షించాల్సిన బాధ్యత సర్పంచులదేనని అదనపు కలెక్టర్ కీమ్యా నాయక్ అన్నారు. యాదాద్రి భువనగిరి జిల్లా తుర్కపల్లి మండలంలోని వాసాలమర్రి గ్రామంలో నర్సరీలను ఆయన పరిశీలించాారు. ప్రతినెలా 7వ తేదీలోగా మొక్కలపై నివేదికలు పంపాలని అధికారులను ఆదేశించారు. మొక్కలకు ఉదయం, సాయంత్రం నీరందించాలని సూచించారు. ఎండిపోయిన వాటిస్థానంలో పెద్ద మొక్కలు నాటాలని, అప్పుడే లక్ష్యం నేరవేరుతుందన్నారు.

రోడ్డుకు ఇరువైపులా మొక్కలు నాటాలి

వేప, రావి వంటి పెద్ద వృక్షాలను కీమ్యా నాయక్ పెంచాలన్నారు. రోడ్డుకు ఇరువైపులా మొక్కలు నాటి ప్రతిరోజు నీరుపోయాలని సూచించారు. గ్రామంలోని వైకుంఠ దామం సందర్శనలో ఉన్న ఖాళీ స్థలంలో ఎక్కువగా మొక్కలు నాటాలన్నారు. రాబోయేది వానాకాలం కావున నీరు నిల్వ ఉండకూడదని, డ్రైనేజీ ఎప్పటికప్పుడు శుభ్రం చేయాలని పారిశుద్ధ్య సిబ్బందిని ఆదేశించారు.

ఇదీ చూడండి:చండీహోమం పూర్ణాహుతిలో పాల్గొన్న కేసీఆర్ దంపతులు