కొమురవెల్లి మల్లన్నను దర్శించుకున్న మంత్రులు

కొమురవెల్లి మల్లన్న దేవాలయంలో రాజగోపురానికి మహా కుంభాభిషేకం కార్యక్రమానికి మంత్రులు హరీశ్​రావు, తలసాని శ్రీనివాస్​ యాదవ్​ హాజరయ్యారు. నూతనంగా నిర్మించిన నిర్మాణాలను ప్రారంభించారు. పలు అభివృద్ధి పనులు నత్తనడకన సాగతున్నాయని అధికారులపై ఆగ్రహం వ్యక్తం చేశారు.

సిద్దిపేట జిల్లా కొమురవెల్లి మల్లన్న దేవాలయంలో ఆలయ రాజ గోపురానికి మహాకుంభాభిషేకం పూజ కార్యక్రమాలు ఘనంగా ముగిశాయి. ఈ కార్యక్రమానికి రాష్ట్ర మంత్రులు హరీశ్​ రావు, తలసాని శ్రీనివాస్ యాదవ్, ప్రభుత్వ విప్ బోడకుంటి వెంకటేశ్వర్లు, జనగామ ఎమ్మెల్యే ముత్తి రెడ్డి యాదగిరి రెడ్డిలు హాజరయ్యారు. స్వామి వారిని దర్శించుకొని ప్రత్యేక పూజలు చేశారు.
మల్లికార్జున స్వామి సన్నిధిలో 53లక్షలతో నూతనంగా నిర్మించిన నిత్యాన్నదాన సత్రం, 30లక్షలతో నిర్మించిన 6 గదుల సత్రాన్ని ప్రారంభించారు. మల్లన్న గుట్టపై రోడ్డు నిర్మాణ పనులకు మంత్రులు శంకుస్థాపన చేశారు. అభివృద్ధి పనులు నత్తనడకన సాగుతున్నాయని అధికారులపై మంత్రి హరీశ్​రావు ఆగ్రహం వ్యక్తం చేశారు. ఆలయ ద్వారాలకు డిసెంబర్​లో జరగనున్న మల్లన్న కల్యాణం లోపు వెండి తొడుగులు అమర్చాలని ఆదేశించారు.

ఇవీ చూడండి: ఉత్సాహంగా 'భారత్-ఖతార్' సాంస్కృతిక వేడుకలు