మున్సిపల్​ ఎన్నికల ఏర్పాట్లు పరిశీలించిన సీపీ

రేపు జరగనున్న మున్సిపల్​ ఎన్నికలకు అన్ని ఏర్పాట్లు చేశారు అధికారులు. సిద్దిపేట జిల్లా హుస్నాబాద్​లో మున్సిపాలిటీ ఎన్నికల భద్రత ఏర్పాట్లను సీపీ జోయల్ డేవిస్ పరిశీలించారు. హుస్నాబాద్​లోని ఆదర్శ పాఠశాలలో ఏర్పాటు చేసిన స్ట్రాంగ్ రూమ్​ను పరిశీలించి అధికారులకు తగు సూచనలు చేశారు.

సిద్దిపేట జిల్లా హుస్నాబాద్​లో రేపు జరగబోయే ఎన్నికల భద్రత ఏర్పాట్లను సీపీ జోయల్ డేవిస్ పరిశీలించారు. జిల్లాలోని 4 మున్సిపాలిటీలైన గజ్వేల్, దుబ్బాక, చేర్యాల, హుస్నాబాద్​లో ఎన్నికలకు సంబంధించి భద్రతా పరమైన అన్ని ఏర్పాట్లు పూర్తి చేశామన్నారు. ఎలాంటి అవాంఛనీయ ఘటనలు జరగకుండా దాదాపు 800 మంది ప్రత్యేక పోలీసు బలగాలను విధుల్లో ఉంచామని చెప్పారు.

ఇదీ చదవండిః ఖైదీలను కళాకారులుగా మారుస్తున్న యువతి