తండాలో అగ్నిప్రమాదం... భారీ ఆస్తినష్టం

ఎంతో కష్టపడి కట్టుకున్న ఇల్లు... కళ్లెదుటే కాలి బూడిదైంది. అనుకోని అగ్ని ప్రమాదం వారి జీవితాలను రోడ్డు పాలు చేసింది. అర్ధరాత్రి ఇంట్లో షార్ట్​ సర్క్యూట్​తో... చెలరేగిన మంటలు... వారి జీవితంలో చీకటిని మిగిల్చాయి.

నిర్మల్​ జిల్లా మామడ మండలం జగదాంబ తండాలో అగ్ని ప్రమాదం చోటుచేసుకుంది. ఆడే కిషన్​ ఇంట్లో అర్ధరాత్రి విద్యుదాఘాతంతో ఒక్కసారిగా నిప్పులు చెలరేగాయి. గమనించిన ఇంట్లోని వ్యక్తులు బయటకు పరుగులు తీశారు.

మంటలు ఎక్కువ కావడం వల్ల ఇంట్లో ఉన్న సిలిండర్​ పేలింది. పెద్ద ఎత్తున మంటలు చెలరేగి... ఇల్లు మొత్తం ఖాళీ బూడిదైంది. అగ్నిమాపక సిబ్బంది వచ్చే లోపే ఇదంతా జరిగిపోయింది. భారీగా ఆస్తినష్టం జరిగినట్లు బాధితులు వాపోయారు.

ఇదీ చూడండి.. ఆసియా టీమ్‌ బ్యాడ్మింటన్‌లో భారత్​కు కాంస్యం