Chittanuru Villagers Protest Against Ethanol Factory :ఇథనాల్ పరిశ్రమ ఏర్పాటుతో పర్యావరణ విధ్వంసం ఏర్పడుతోందని జనం గగ్గోలు పెడుతున్నారు. కర్మాగారం నుంచి విడుదలయ్యే రసాయన వ్యర్థాల వల్ల పంట దిగుబడి తగ్గుతోందని రైతులు ఆందోళన చెందతున్నారు. సమీపంలోని మన్నెవాగు జలాలు కలుషితమై.. మూగ జీవాలు మృత్యువాత పడుతున్నాయని ఆవేదన పడుతున్నారు. ఇథనాల్ కంపెనీ రద్దు చేయాలని నారాయణపేట జిల్లా చిత్తనూర్, ఎక్లాస్‌పూర్ ప్రజలు చేపట్టిన రిలే దీక్షలు వంద రోజులకు చేరడం వల్ల మహాధర్నా చేపట్టారు.
Protest Against Ethanol Factory Chittanuru :నారాయణపేట జిల్లా మరికల్ మండలం చిత్తనూరులో దాదాపు 400 పైగా ఎకరాల్లో ఇథనాల్ పరిశ్రమ ఏర్పాటుచేశారు. కర్మాగారం నుంచి వచ్చే వ్యర్థాలతో జలాలు కలుషితం అవుతున్నాయని జనం వాపోతున్నారు. పరిసర గ్రామాల్లో సాగుచేస్తున్న పంటల దిగుబడిపైనా తీవ్ర ప్రభావంపడుతోంది. వరి, పత్తి, మిరప పంటలు ఎదగడం లేదని సాగుదారులు ఆవేదన వ్యక్తం చేస్తున్నారు. మన్నె వాగులో రసాయనాలు కలవడం వల్ల చేపలు, జంతుజీవజాలం మృత్యువాత పడుతున్నాయని ఆరోపిస్తున్నారు. ఇథనాల్ కంపెనీ రద్దు చేయాలని చిత్తనూర్, ఎక్లాస్‌పూర్ గ్రామాల వాసులు చేపట్టిన రిలే దీక్షలు 100 రోజులకు చేరాయి. పరిశ్రమను మూసివేయాలని స్థానికులు కోరుతున్నారు.
మూడొంతుల మురుగు నీరు నదుల్లోకే!
కంపెనీని రద్దు చేయాలని మండల, జిల్లా, రాష్ట్ర స్థాయి అధికారుల దృష్టికి తీసుకెళ్లినా ఎవరికీ పట్టింపు లేదని స్థానిక జనం మండిపడుతున్నారు. మల్లాపురం చెరువు అలుగు ద్వారా మన్నెవాగుకు వెళ్లే ప్రాంతాన్ని ధ్వంసం చేసి పరిశ్రమలో కలుపుకున్నారని ఆరోపిస్తున్నారు. ప్రజాప్రతినిధులు కనీసం ఇటువైపు చూడటం లేదని ఆక్షేపిస్తున్నారు. ఇదే నిర్లక్ష్యం చూపిస్తే.. వచ్చే అసెంబ్లీ ఎన్నికలను బహిష్కరిస్తామని హెచ్చరిస్తున్నారు.