గురుకులంలో కరోనా కలకలం.. 15 మంది విద్యార్థులకు పాజిటివ్

11:26 July 22

నార్కట్‌పల్లి గురుకుల కళాశాలలో కరోనా కలకలం

రాష్ట్రంలో కరోనా మళ్లీ కోరలు చాస్తోంది. రోజురోజుకు కొవిడ్ పాజిటివ్ కేసులు పెరుగుతున్నాయి. మొన్నటి దాకా వందలో ఉన్న కేసులు తాజాగా 700 దాటాయి. నల్గొండ జిల్లాలో విద్యార్థులపై కరోనా పంజా విసురుతోంది. నార్కట్‌పల్లిలోని గురుకుల కళాశాలలో 15 మంది విద్యార్థులకు పాజిటివ్ నిర్ధారణ అయింది.

కొంత మంది విద్యార్థులు కరోనా లక్షణాలతో బాధపడుతుండటంతో కళాశాల యాజమాన్యం కొవిడ్ పరీక్షలు చేయించింది. ఈ పరీక్షల్లో 15 మందికి పాజిటివ్ నిర్ధారణ అయినట్లు వెల్లడించింది. వారిని ఐసోలేషన్‌లో ఉంచినట్లు తెలిపింది. కళాశాలలో కరోనా నిబంధనలు పాటిస్తున్నామని.. విద్యార్థులంతా మాస్కు ధరించేలా చర్యలు తీసుకుంటున్నట్లు చెప్పారు.

• ఇదీ చదవండి :corona cases: మళ్లీ విజృంభిస్తున్న వైరస్.. కొత్తగా 765 కరోనా కేసులు