కారుణ్య నియామకాలు కావవి.. కరెన్సీ నియామకాలు: బండి

మంచిర్యాల జిల్లా శ్రీరాంపూర్​లోని సింగరేణి కార్మికుడి విగ్రహానికి బండి సంజయ్ పూలమాల వేసి నివాళులు అర్పించారు. కుమురం భీం ఆసిఫాబాద్ జిల్లా కాగజ్​నగర్​లో ఛత్రపతి శివాజీ సంకల్ప సభకు వెళ్తూ... మార్గంమధ్యలో ఆగి ప్రసంగించారు.

సింగరేణిలో కారుణ్య నియామకాల పేరుతో కేసీఆర్​ కార్మికులను మోసం చేస్తున్నారని భాజపా రాష్ట్ర అధ్యక్షుడు బండి సంజయ్​ ఆరోపించారు. భాజపా రాష్ట్ర ఇంఛార్జ్​ తరుణ్​ చుగ్​తో కలిసి కుమురం భీం ఆసిఫాబాద్​ జిల్లా కాగజ్​నగర్​లో ఛత్రపతి శివాజీ సంకల్ప సభకు వెళ్తూ... మంచిర్యాల జిల్లా శ్రీరాంపూర్​ ఆగి సింగరేణి కార్మికుడి విగ్రహానికి పూలమాల వేశారు.

కారుణ్య నియామకాలను... కరెన్సీ నియామకాలుగా బండి సంజయ్ ఎద్దేవా చేశారు. సింగరేణి సీఎండీగా శ్రీధర్​ను కొనసాగించడం సరికాదన్నారు. ఇప్పటికైనా కార్మికులు మేల్కొని వచ్చే సింగరేణి ఎన్నికల్లో భాజపా అనుబంధ కార్మిక సంఘాన్ని గెలిపించాలని కోరారు. సింగరేణి కార్మికుల సమస్యల పరిష్కారం, సంక్షేమం కోసం కేంద్ర ప్రభుత్వంతో చర్చిస్తామని హామీ ఇచ్చారు.

ఇదీ చూడండి:'నా రాజకీయ జీవితాన్ని నాశనం చేయాలని కుట్ర'