భద్రాద్రి కొత్తగూడెం జిల్లా అశ్వారావుపేట ఎమ్మెల్యే మెచ్చా నాగేశ్వరరావు కుమారుడి వివాహం ఖమ్మం జిల్లాలోని సత్తుపల్లి మండలం గంగారంలో ఘనంగా జరిగింది. ఈ వేడుకకు తెదేపా అధినేత చంద్రబాబునాయుడు హాజరై వధూవరులను ఆశీర్వదించారు.
చంద్రబాబు వస్తున్నారనే విషయం తెలుసుకుని సత్తుపల్లి, వేంసూరు, అశ్వారావుపేట నుంచి పెద్దఎత్తున తెదేపా అభిమానులు, కార్యకర్తలు వివాహవేడుక వద్దకు చేరుకున్నారు. తెదేపా అధినేతకు ఘనస్వాగతం పలికారు. ఆయనతో సెల్ఫీలు తీసుకునేందుకు పోటీపడ్డారు.
ఈ వివాహ వేడుకలో సత్తుపల్లి ఎమ్మెల్యే సండ్ర వెంకటవీరయ్య, నందమూరి సుహాసిని, దెందులూరు మాజీ ఎమ్మెల్యే చింతమనేని ప్రభాకర్, మాజీ మంత్రి జవహర్, మాజీ ఎమ్మెల్యే కొత్తకోట దయాకర్రెడ్డి, తెలంగాణ రాష్ట్ర తెదేపా అధ్యక్షుడు ఎల్ రమణతో పాటు పలువురు జిల్లా నాయకులు పాల్గొన్నారు.